حبيبي رجعوا الغياب وانته ولاخبر منك
تعال شوفني انذليت ماتقبل اعرفنك
اني مشتاكلك والشيب ماخذ راحته براسي
اتمعني ركز زين انه اول علاقة وياك
تذكرني لو ناسي ..!
ولوهيه الأيام تغير العشاك
والطيب كَلب ميعيش بالغابه
حته الحاطه ابالك بوكت الضيج
اول واحد بوجهك ايسد بابه
من تلمع سنونك خوفك من الناس
لتشيل الهه هم عيون الذيابه
سجدوا لصعد يكطف تمر من فوك
ومن تقاسموا ماحسبوا احسابه
احبك.. جي داهرني وتحاسبني عله اغلاطي
سبحان الله جنهم توم كلبك يشبه اكماطي
شكد محتاج اشمك واهزك واخذ مرادي
شايف عركة الخوان..! شايف ضوجة الدفان..!
هيج يصير من دونك وحكك عيد ميلادي
مرات اشتهي ابجي كبال صحباني
واكولن عيب زلمه وابلع لساني
اطلع صورتك من جيبي واحجي وياك
وضل الدموع اتعيل برداني
والله المابجه من الفركه مو رجال
لو يبقه العمر بشارع متاني
من كد الدمع رخصت سوك الغيم
يافلاح ما وده عله قمصاني
لا ياقارئ الفنجان لاتحجيلي بوداعه
شيكلفني محبوبي لويرجع ربع ساعه..!
عله رجليه من تانيت .. حته البي شلل عيب
كمت من امشي كلهه تصيح .. هذا المن زغر شيب
بعد مالي وجه وتكابل ويه الناس
حته الفاكده عله دموعي سألتني
يامن طلعت يونس .. ابطن الحوت
طببني ابداله الفشله كتلتني
عشت مثل الخبز وجه وكفه مسطور
ماصادفت نار اعزاز رحمتني
ارجع هيبتي ماترجع إلا وياك
تره فترة غيابك حيل ذلتني
● ○ ● ○ ● ○ ●
كلمات الشاعر : رفعت الصافي
تدوين :Zahraa Al obaidi
رد مع اقتباس
المشاركة الأصلية كتبت بواسطة علي الامير
