هنا

[ابو مناف البصري]

تقفيصة جديدة ٢٠١٨ انتبة ...

اخر صيحة بالتقفيص التقفيص بالعراق واصل مرحله لاتسوي زين شر ما يجيك ! (منقول) من شخص حدثت معه القصة الحقيقية والتي يرويها كما يلي:- احجيلكم موقف الي صار وياي .. بس راح احجيه على طريقة اهلنا ..(باللهجة العراقية) .. قبل شهرين رحت لصديقي بيتهم بالكرادة خارج ضليت يمه خلصت وقتي وتسلينه ورجعت ركبت كية من الكرادة خارج للبياع .. كلنا نعرف الكيات والازدحامات وناس تنزل وناس تصعد .. ورة تقريبا نص ساعة لكيت علاكة سودة ملفوفه مثل مال بيبياتنا ومعقجة .. كتلني الفضول توقعت شخص ناسيها او واكعة منه .. فتحت العلاكة لكيت بيها المستمسكات الاربعة و بيها رقم تلفون .. كلت اجتي عدلة "الحمدلله" خلي ارجعها ل اصحابها .. شلت التلفون خابرت على الرقم الي جان بالعلاكة ... الو ؟ الو تفضل ! كتله اخوية لكيت علاكة بيها مستمسكات ب اسم فلان .. وهذا رقمك بيها كال رحم الله والديك وين انته ؟! كتله اني بالتقاطع قريب .. كال اخوية خليك واكف واني اجيك وانطيك فلوس الكروه !! كتله هسه بس تعال اخذهن !! المهم تاخر علية تقريباً ساعة كاملة !! بعد ساعة اجه تشكر مني اخذ العلاكة فتحها كال بعد ٥ ملايين جانت بيها ؟!! وينهن ؟؟! اني ضحكت عبالي يشاقة وياي !! كتله وزعتهن ع العبرية !! صار غلط وفشار ومسبة واتهمني اني بايكهن وجانت دورية شرطة قريبة !! واخذوني للمركز وصعدت محكمة ٣ مرات ونزلت وجابوا ناس شهدت علية زووورً تمرمرت وشفت الويل .. اخر شي يوم الثلاثاء الي راح .. الله دزلي واحد محامي.. دافع عني وطلعت براءة الف الحمدلله والشكر وتبين اني سابع شخص اوكع بنفس المشكلة نصيحه ل الله .. انتبه لهذه التقفيصات التي تقطع سبيل المعروف للاسف

[sawsanmahmoud]

شنو هاي !!
يعني صدك تقفيص مدبر
الله اليستر شنو بعد راح نشوف بالعراق العظيم
شكرا على سرد السالفه
وتنقل للقسم الأنسب
تحيتي

[ود 'ے]

تقفيصة جديدة ٢٠١٨ انتبة ...

اخر صيحة بالتقفيص التقفيص بالعراق واصل مرحله لاتسوي زين شر ما يجيك ! (منقول) من شخص حدثت معه القصة الحقيقية والتي يرويها كما يلي:- احجيلكم موقف الي صار وياي .. بس راح احجيه على طريقة اهلنا ..(باللهجة العراقية) .. قبل شهرين رحت لصديقي بيتهم بالكرادة خارج ضليت يمه خلصت وقتي وتسلينه ورجعت ركبت كية من الكرادة خارج للبياع .. كلنا نعرف الكيات والازدحامات وناس تنزل وناس تصعد .. ورة تقريبا نص ساعة لكيت علاكة سودة ملفوفه مثل مال بيبياتنا ومعقجة .. كتلني الفضول توقعت شخص ناسيها او واكعة منه .. فتحت العلاكة لكيت بيها المستمسكات الاربعة و بيها رقم تلفون .. كلت اجتي عدلة "الحمدلله" خلي ارجعها ل اصحابها .. شلت التلفون خابرت على الرقم الي جان بالعلاكة ... الو ؟ الو تفضل ! كتله اخوية لكيت علاكة بيها مستمسكات ب اسم فلان .. وهذا رقمك بيها كال رحم الله والديك وين انته ؟! كتله اني بالتقاطع قريب .. كال اخوية خليك واكف واني اجيك وانطيك فلوس الكروه !! كتله هسه بس تعال اخذهن !! المهم تاخر علية تقريباً ساعة كاملة !! بعد ساعة اجه تشكر مني اخذ العلاكة فتحها كال بعد ٥ ملايين جانت بيها ؟!! وينهن ؟؟! اني ضحكت عبالي يشاقة وياي !! كتله وزعتهن ع العبرية !! صار غلط وفشار ومسبة واتهمني اني بايكهن وجانت دورية شرطة قريبة !! واخذوني للمركز وصعدت محكمة ٣ مرات ونزلت وجابوا ناس شهدت علية زووورً تمرمرت وشفت الويل .. اخر شي يوم الثلاثاء الي راح .. الله دزلي واحد محامي.. دافع عني وطلعت براءة الف الحمدلله والشكر وتبين اني سابع شخص اوكع بنفس المشكلة نصيحه ل الله .. انتبه لهذه التقفيصات التي تقطع سبيل المعروف للاسف

صدك هاي؟ خير لتسوي شر لتشوف

[CaSpEr]

تاليها حتى ( السلام عليكم ) راح تنقطع بسبب هيچي اشخاص.... الله يكفينا شرهم

شكراً ع المعلومة وع القصة

[الحنونة]

و الله الواحد بعد ما يعرف شيسوي بهالزمن هذا
شكرا جزيلا لك

[طاهر الاعرجي]

مصايب يجبرك ماتسوي زين وتجنب اي شي
شكرا لك عزيزي

[أمير الأحلام]

لا حول ولا قوة الا بالله
والله هيج مواقف مؤلمة
مع الاسف انقطع سبيل المعروف

[ابو مناف البصري]

شكرا لمروركم احبتي وجزاكم الله خير

[ضياء المالكي]

هههههه والله بلوة

[غَياهِب]

غير ماكو شغل اي الناس وين تروح هههههههههههه