وهن امهات السحورة .. كما روت ذلك جارتي عن جدتها عن جدتها رضي الله عنهن
عن كتاب ( الرجال كلهم طيبون ) بطل حيلي
وهن امهات السحورة .. كما روت ذلك جارتي عن جدتها عن جدتها رضي الله عنهن
عن كتاب ( الرجال كلهم طيبون ) بطل حيلي
صديقي العزيز: بصراحة ماكملت القراءة لآن الكليشة عبارة عن "روزخونيات" ونصوص من الخطر أن نفسرها و نطبقها أو حتى نحاكمها خارج أطارها الزماني و المكاني, هي منهاج لزمن بذاته, لظرف بذاته, لوقائع لبيئة لفلسفة لرؤيا لخارطة سلوك.. لـِ لـِ لـِ... الخ
لكن أوك يمكن أقتنع أفكر بالي مريت عليه "فوك" في حال :
أولاً- ((وهو الأهم)), أن ينسلخ الفرد من قيم البداوة الي معشعشة براسة ومفرخة, ويكون للبنت خيارها, رغبتها, رؤيتها بشأن مشروع الزواج,
أنو يكون مسموحلها وبكل أريحية تفاتح أبوها: بابا هذا الشخص عاجبني وتعال نروح لأهله نخطبه. و أ راحت وخطبت و نرفضت, يجون أهلها وياها وتحاول مرة وثنين وثلاثة, حالها حال الولد بهذا الخصوص.
ثانياً: أن ما تنشأ على نمط تنشأة مثل: (ممنوع, حرام, حلال, خطأ, مايجوز, لا.... الخ) الحقيقة هذي مفردات قبيحة جاً ومقززة,
أوك من حقك تبدي رأيك "فقط" كولي أمر, وتتركها لحالها, هي تميز هذا الشي يوالمها لو لا, تجرب ما تجرب أنت ماعليك, خليها هي تكتشف أنو هالشي مو بمصلحتها, أنت حدك أنو تبين رأيك و خلص.
ثالثاً: تساعدها تبني شخصيتها, تمكنها من أنو يكون أسمها ذو قيمة.. محترم و تخليلها كلشي مشاع, على مسوى نفسي, سلوكي, جنسي... الخ
لا تكمطها بالحجاب و العباية وهي بعمر الخمس سنوات, خلي ظفايرها يتنفسن, خليها بمعزل عن إيمانك بعقيدتك مذهبك توجهك.. خليها تختار الي يعجبها, وتجرب هذا الدين وهذا وذاك, ولا تحاول تحاسبها.. أنت حدك كلمة وبس عند الضرورة.
رابعاً: صير أنت أنسان قدوة, بلا إجبار رح تقلدك وتجي تستفسر منك و تكلك أخذ بأيدي, وتشاركك كل أسرارها وتخليك بمثابة المرجع المهم الي ماممكن تستغني عنه.
خامساً: لاتحاول تمد أيدك عليها و الأسوء من مدة الأيد أنو تبتزها نفسياً وتحاربها.. لأن رح تنشز وأنت سبب نشازها وخطيتها برقبتك.
سادساً: أحترم أمها..
سابعاً: خليلك مكتبة ولازم قبل لتجي للدنيا أنت مكملها ومنوعها.. يعني مو بس الي يوالمك ويواسي "الأيكو" الخاص بحضرتك.
ثامناً: من تحقق فد نجاح كافأها ولو بكلمة, شجعها, صير إنسان بعينها.
تاسعاً: خليها هي تاخذ حقها لو هُضمت, لا تحاول تخليها بالخلفيات, وكلشي أنت الي تتعامل وياه, صير بصفها مو كدامها.
عاشراً: خليها تسمع قرآن, لطم, أغاني, تشوف بورن.... الخ/ لأن رح تسويهن سواء قبلت أولا, فصير داعم ولاتصير مقاومة فارغة.
أحد عشر: خليك واثق بيها, وأن خطأت مرة وثنين وعشرة.
ثاني عشر: إذا جتي وكلتلك بابا أحب فلان شخص, فخلي تتصل بفلان الي تريدة وحاول تكعدون ثلاثتكم وشوف شخصية هذا الي إختارته, مؤهلاته, و القرار أول وتالي ألهم, أنت هذا العامل المساعد الي يكون فوك سهم المعادلة الكيميائية, شغلتك أنو تسهل الأمور حتى تطلع بناتج حلو.
ثالث عشر: أبوس أيدك لا تقارنها بوحدة ثانية.
رابع عشر: ما أُخذ حياءاً, أُخذ غصباً
خامس عشر: دير بالك من الجذر الحر الي يخلقه الكبت..
سادس عشر: لا تعاملها أنو هي ناقصة عن أخوانها الرجال بشي..
سابع عشر: لا تحاول تتطفل على خصوصياتها, هالشي بشع وبي تراكمات أنت بغني عنها.
ثامن عشر: مو عيب أنو تحجيلها همومك و تبجي بحضنها, لو حتى كنت أب فهي أمك.. لا تستنكف و غرورك أركعة جلاق.
تاسع عشر: وفرلها كلشي, حتى لا تجيبة من دونك بطريقة ممكن توكعها بمشاكل, لأن أنت من خلفتها المفروض وضعك تمام ومفكر لبعيد.
عشرون: خليك فخور بيها, بسبب أو من دون سبب
واحد وعشرون: حجيت هواي والي ماذكرته أكثر من الي ذكرته, فإذا تريد تطبق براسها الشرع ومعتقدك وعاداتك ساعدها تكون صحيحة بالأول وما مشوهة.
في الحقيقة , . الحب او الزوجين الذين يخلو من المشاجرات , . والغياب , والعتب والغيرة , . والسهر , والحنين ,, . لآ نكهة له
يعني هسة المفروض علي اني هاي كلها اقراها ؟؟؟
ولا والحمزة ابو سهية ... بس اللي اعرفه وافهمه انه :
لو تحقق مصداق ( وعاشروهن بالمعروف ) .. وتحقق مصداق ( نشوزهن ) وفشل ( امساك بمعروف او تسريح باحسان ) عندئذ يمكن ان يتحقق مصداق ( فاهجروهن في المضاجع واضربوهن ) ...
بس .. عليش هاي الدوخة والفرة كلها ... عمي روحي لاهلج .. وكان الله يحب المحسنين .
.................
هسة اني اخوط بالاستكان .. بصفه ... هذا العندي وابوك الله يرحمه
الله ياعينيالمشاركة الأصلية كتبت بواسطة فم اللبلاب
متأكد انت عراقي؟
تاك لكات لطفاً
الي يقهر بالموضوع ياجنات أنو الضحايا هم الي يُحاسبون.... وعلى أيد منو؟؟الله ياعيني
متأكد انت عراقي؟
تاك لكات لطفاً
على أيد ناس هم السبب و أحتمال مو هم, لا, إنما أهلهم الي ربوهم.. وهيج و أنتي راجعة لسابع جد.
هم يكتلون أنوب يلزموج السجينة ويخلون بصماتج عليها.. ويكلولج هاي شسويتي, يلا تعالي نكتلج وبالدرب صيري كيوت وساعدينا نلف الحبل على رقبتج حتى نخلص بالعجل ورانا شغل.
تريد موز ننطيك موز.. تريد عنب ننطيك موز.. بيش حكة وجودك و أنت مصنف ضمن الخانة "صفر"
شنو القصه لو الموضوع ماله علاقه بالتعليقات لو التعليقات مالهه علاقه بالموضوع
يعني هسه احنه كلشي بالقران مطبقينه باقي بس اضربوهن واهجروهن
اول مره خل نبطل ركض وراهن وبعدين نضربهن
واذا هو واحدنه لزكه منين يكدر يهجرهن
هههههههههه
هسه بهذا الزمن صار الضرب وهاي السوالف عيب وعار يستحي منهه الزلمه ما اضن بعد اكو هيج شي بهالوكت
قبل جان اول ما يصير زلمه على مرته هسه زلمه ع المنطقه كلهه ويم مرته كلش حباب هههههههه
و هسه ما بقى احد يقبل تنضرب بنته لازوجهه يضربهه ولا غيره
والله يحفظ بنات العالم ويهديهن لرعاية ازواجهن
طبعاً الكل ركز ع الضرب .. وهو آخر العلاج .. وبي تفاصيل ..
في تفسير القمي في رواية أبى الجارود عن أبي جعفر عليه السلام: في قوله قانتات يقول مطيعات وفي المجمع: في قوله تعالى فعظوهن واهجروهن في المضاجع واضربوهن الآية:
عن أبي جعفر عليه السلام قال: يحول ظهره إليها وفي معنى الضرب عن أبي جعفر عليه السلام:
أنه الضرب بالسواك ..
ضرب بالسواك يعني ضرب معنوي أكثر منه جسدي ..
اوووف ...حقيقة ما اعرف شأگول ..
بس شي واحد متأكدة منه ...انه الحياة وية رجل يضربني مستحيلة ..
لو حتى كانت الضربة بريشة ..هي القصد منهاالاهانة ...و الاهانة شيء قاتل ..
شلون ممكن اصبح بوجهه و احجي وياه و اگعد وياه على ميز اكل واحد .و اداريه ..هاي كلها اذا ما اسويها لأن احبه...و احترمه ..و هو يحترمني ..شلون ممكن اتحملها ..و ليش اتحملها .
لهذا لازم كل بنية تتعلم و تشتغل ..و تصير مسؤولة عن نفسها ..حتى من تجي هيج لحظة فاصلة ( مصخمة ) بحياتهاو تنضرب ...تطلق ساقيها للريح ..و ظل حيطة و لا ظل راجل ...مع احترامي للمحترمين .
احچي لو أبقى ساكتة ؟!
رد مع اقتباس