مرحبا ايها الشعب الدرري
اليوم عندي موضوع حول التجارب الاجتماعية والتجارب الاجتماعية لا يمكن ان تاخذ بنتاجها مئة بالمئة والسبب يعود الى كثرة العوامل المتغيرة التي لايمكن ان تتحكم بها جميعا
اول تجربة الي كانت قبل ثلاث سنين وهي
ان العقل الذكر لا يستطيع التفكير والتركيز الا بشئ واحد فقط عكس الانثى التي لها المقدرة ان تفكر في امرين في ان واحد من دون ان تفقد تركيزها
فجبت متطوعون وهم ولد خالتي 2 وبنات خالتي ايضا 2 وشغلتلهم البلبي ستيشن وكتلهم العبوا الولد يلعبون بيناتهم وبعدها البنات يلعبن بيناتهن واليفوز اله نص كيلو زنود الست من الحمداني طبعا الزنود محضرها وخالها كدامهم للتحفيز.....
فبدوا الولد يلعبون وبنص اللعبة بديت اسالهم اسئلة بسيطة لاحضت اللاعب الي اسأله مستوى يكون سئ في حين قبل الاسئلة كان مستوى افضل بكثير وبالاضافة يتاخر هواي بالجواب مع العلم ان الاسئلة بسيطة
وعدت التجربة ع البنات بس المفاجئة انو البنات بالحالتين مستواهن سيئ يعني اذا اسالهن او ما اسالهن مستواهن سيئ لان هن موشي بالالعاب
بس الي لفت انتباهي انو البنات كانت سريعات بالجابة عكس الولد واجوبتهن كلهن دقيقة مع العلم كانن مركزات باللعبة
وهذا يثبتلنا ان عقل الانثى يمكن ان يفكر في امرين مختلفين وبنفس التركيز
وقبل فترة كان عندي تجربة اجتماعية وهي لو ظهر نبي في زماننا هذا ما هي ردت فعل الناس هل هي مثل البشر الذين عاصروا الأنبياء ام مختلفة
وسالتها اكثر من مرة بالمنتدى وتكدرون اشوفون النتائج بهذا الرابط ولو الاجوبة ورة صفحتين
https://www.dorar-aliraq.net/showthr...=1#post6414950
والتجربة الاخيرة هي كيف تتخلص من موسيقى او برنامج او مسلسل انت متعلق بي ومتكدر تعوفها
وطريقتي هي ان تشغل الاغنية بوقت انت عندك حديث مهم او شغلة مهمة فعقلك تلقائيا راح يحاول يركز ع الحديث المهم ويصنف الاغنية كضوضاء فبدون وعي انت راح تكرها للاغنية وبعد كل متسمعها تحسها ضوضاء وتبدي كرها
عندي اختي كانت تعشق برنامج توب شيف وخاصتنا بي خبص وكل شوية دكلي جيب فلان شي وفلان شي خل اسويلكم اختراعات جديدة
فمرة صار وكت البرنامج ويا لعبة جيلسي وماتقبل واحد يدير التلفزيونواني مااعرف الة اشوف اللعبة بهذا التلفزيون واكعد يم الصوبة
فقررت انتقم واخليها تكره هذا البرنامج
فكلت خل اجرب عليها هاي التجربة ومن يبدي البرنامج ابدي افتح وياها مواضيع مهمة ومحمسة
والنتائج كانت مبهرة خلال حلقتين فقدت اهتمامها بالبرنامج وكمت الاحظ استخدامها للموبايل ع طول البرنامج ويادوب ترفع راسها ع التلفزيون
وهنا فرغت الساحة الي والعب يافار
ومن هنا اريدكم اتجربون هذه الفكرة وياريت تكتبون نتائجكم اهنا
واسف ع الاطالة
رد مع اقتباس
ولو شريره 
المشاركة الأصلية كتبت بواسطة أكرم الياسري
