هنا

[ارجع يازمان]

كتلها اهلج وين؟ وبصوتي مقهور
جاوب صداها وكال ناموا بالكبور
لمن مشوا يادار ما ودعوني
ماكالوا امودعين بس لا نسوني
صدك مشو
ما ودعوني
ولا اجو
بس لا نسوني
.؛؛
اتعاتبي اويه الدار يادمعة العين
هلبت خبر تلكين فوك الحياطين
ماضل خبر يحسين وتشوفه العيون
راحو بعد هيهات ماظن يرجعون!
صدك مشو
ما ودعوني
ولا اجو
بس لا نسوني
؛؛
رايح أطم الروح يم عتبة الباب
جا شلي بيها اتعيش واحبابي غياب
ياموت اخذني اليوم ويه الاحبهم
عيني العمه اولا اشوف صفنه ابدربهم
صدك مشو
ما ودعوني
ولا اجو
بس لا نسوني
؛؛
يادار المغربين هاي المسيه
نتهدل انه اوياج نلطم سويه
يمج تروح الروح وانه ابوراها
مختنكه بس اوياج تشتم هواها
صدك مشو
ما ودعوني
ولا اجو
بس لا نسوني
حسين االساعدي