هنا

[فقار الكرخي]

يا كلّش ترف يالبيك ريح اعزاز
اخذني الديرتك كمرة...
وسيّر على اضنوني بهيبتك واختار
شنهي اتريد ... بس جر مني جم حسرة...
يعنكود العنب محلاك ..
العناكيد البقية وداعتك مرات..
انته منين؟ غارت منك الشجرة...
يحسنك ذايب بروحي.. غيرك ما يصح محبوب..
اريد اوياك .. حلوة بصفك العشرة ...
عمر تانيت احب ابليس .. لو جابك بنية واهس معرسين ..
بس خطار .. اشوية وتنتهي الخطرة...
عشكتك سالفة خلان...
من عدهه النسيم ايغار .. لو نسّم ورة المطرة ...
يريحة رازقي شلونك..
يالمحتام اشمك شوفني بيا حال.. وشل عمري كل صبرة..
يالشحيت عني عيوني تربي عليك,,
ترة امورمات .. واللون بصفة الجمرة..
يفانوس الولاية الشوفتك محتام .. الدرب عثرات..
بس أدري .. ضواك اليكشف العثرة..
يطعم العافية بروحي .. آنه احتاملك نوبات.. وانته بكلبي الك حضرة..
يمن بوصافك أتحلم ..
يشعرك ليل .. ونهودك طعم خمرة...
صرت سكران.. اي سكران.. وانته ابعيد ..
بس الجان .. اسمك مزة السهرة ...
حلاتك يمي لو مريت..
يواهس زفة المعدان من تتكحل السمرة..

[سمراء من قوم عيسى]

يستمر الإبداع ....

[نغز الحياة]

جميل

[فقار الكرخي]

منورين