كلمات قصيدة ياصبرنه ابتعد
..
ياصبرنه ابتعد ماتت الوالده
واني طبع الورد عايش اعله النده
امي قبله واني أتوجه عليها
احلى ما بالدنيه شوفتها وحجيها
همي كله يروح من لمسة اديها
رحمة الله ورأفته موجوده بيها
ما اظن باللحد تهجع الفاكده
واني طبع الورد عايش اعله النده
ياصبرنه ابتعد ماتت الوالده
واني طبع الورد عايش اعله النده
امي ياجلمة هلا الينكط ملحها
تبتسم كلها الي وتضم جرحها
امي دنيه والضهر ذبحوا صبحها
يافراشة من السما وكسروا جنحها
راحت واعتقد للعرش صاعده
واني طبع الورد عايش اعله النده
ياصبرنه ابتعد ماتت الوالده
واني طبع الورد عايش اعله النده
اني الحسين وشفت كسرت ضلعها
وادعي يارب انتقم من الصفعها
بويه ياحيدر صحت انظر وضعها
شافت الوالد اجه ومسحت دمعها
للضلع يستعد حيدر وشاهده
واني طبع الورد عايش اعله النده
ياصبرنه ابتعد ماتت الوالده
واني طبع الورد عايش اعله النده
انتظر حيدر يجي وندخل سويه
جنت احس فضه تضم سرها عليه
فاطمه طول الوكت تشتاك اليه
اني مااستغني عنها تدري بيه
فضه شو ماترد انتي متأكده
واني طبع الورد عايش اعله النده
ياصبرنه ابتعد ماتت الوالده
واني طبع الورد عايش اعله النده
من رحت ليها صحت يحبيبه كعدي
والنبي مشتاك الج جم زهره عندي
انتي ماترضين اظل بالدنيه وحدي
يمه كليلي هلا وبوسيلي خدي
يالمردتي الجبد لسه متوسده
واني طبع الورد عايش اعله النده
ياصبرنه ابتعد ماتت الوالده
واني طبع الورد عايش اعله النده
ونت اعلى المغتسل امي اسمعتها
اتقدمت خطوة وطحت لمن شفتها
يمه حاجيني ابمحمد حلفتها
فتحت الذرعان اليه واشبكتها
يل عليج اعتمد مر عذابج بده
واني طبع الورد عايش اعله النده
ياصبرنه ابتعد ماتت الوالده
واني طبع الورد عايش اعله النده
اني شابك امي ودموعي اهلها
والدي يرفعني عنها وارجع الها
اسمع املاك السما نادت بعلها
ياعلي هالمعضله انته تحلها
ياعلي والقصد ادفن العابده
واني طبع الورد عايش اعله النده
ياصبرنه ابتعد ماتت الوالده
واني طبع الورد عايش اعله النده
اداء : الملا باسم الكربلائي
كلمات : الشاعر السيد عبدالخالق المحنة
تدوين : زهراء العبيدي
كلمات قصيدة ياصبرنه ابتعد
رد مع اقتباس
المشاركة الأصلية كتبت بواسطة Eng. Ali Mhdee
