MP3
كلمات قصيدة مولاتي - عمار الكناني
مولاتي مولاتي يافاطمة
مولاتي مولاتي يافاطمة
وكلت امري إلى رب البرية
سلمت روحي الج وكت العزية
اشهدو أني عبد عند الزجية
اي وحك عباس سبع الغاضرية
حسراتي وآهاتي * وكلبي المنفجع
هم روحي وجروحي * وحزني والدمع
ركعاتي وسجداتي * يبجن ع الضلع * يبجن ع الضلع
لطميتي لطميتي هالقائمة
مولاتي مولاتي يافاطمة
مولاتي مولاتي يافاطمة
اسمج من الله فرض واجب اذكره
والعيون التهمل توضت بعبره
شاعريتي بالمجالس لمن اقره
خاطري يزهرة اتعمد اكسره
جلماتي وابياتي * لمن تنقري
لضلوعج ودموعج * اكسر خاطري
بسنيني ترويني * دمعة ناظري * دمعة ناظري
ع الدمعة ع الدمعة متعلمة
مولاتي مولاتي يافاطمة
مولاتي مولاتي يافاطمة
ثوب الاسود حته كلبي وياي لابس
ع اللطم والنوح والهم عندي واهس
شلون اعيش بدنيه مابيها مجالس!
ماابطل زحمه من جروح عابس
مطروره ومكسوره * روحي من الزغر
لصوابج ومصابج * شيبت العمر
يلجمني ويهضمني * من اذكر كسر * من اذكر كسر
واتخيل واتخيل جرح السمه
مولاتي مولاتي يافاطمة
مولاتي مولاتي يافاطمة
العن الداخل غصب بيت النجابه
والله لايرضى على الي دفع بابه
كلبج السبب جراحاته وعذابه
هوه نفس السبب الطف والخرابه
لايامج وايتامج * بجينه الزمن
وظنونج وعيونج * متهمنه المحن
بالاسود مو مرقد * صرنالج وطن * صرنالج وطن
خدامج خدامج متحزمه
مولاتي مولاتي يافاطمة
مولاتي مولاتي يافاطمة
اداء الرادود : عمار الكناني - هيئة عاشوراء -
كلمات الشاعر : سيد علي الموسوي
تدوين : Zahraa Al obaidi
رد مع اقتباس
المشاركة الأصلية كتبت بواسطة نادر الوجود
