معقوله أكو أبهالدنيا صحبان
أكو بس موشرط كل صحبة صحبة
أكومحسوبة إلك بالدنيا خوان
وأكوخوان بس محسوبة غربة
موكل بشر يتسمالك أنسان
أكو أنسان يستاهل تشطبه
الي أنطيته عمر موفدوه تنطيه
دمع عيون بسنينك تطلبه
موكل شخص ينحط وسط العيون
ولاكل بشر من أتشوفه يسوه
أكو زلمة الزين ولابس أعگال
ولاكن بالمضيف أبحچيه لوه
وموكلمن تعنه البيتك اليوم
متفضل عليك وماشي خطوة
أمشي أبراحتك وأطوي المسافات
ومن تمشي عدل موش أتطوه
وعاين عالبشر بس لگط الزين
وماريدن إلك تنحسب نطوه
أبگلبك خلي طاري العشگ ينجاب
والغير العشگ لتجيب طروه
واشرب ماي بس من تطري صحراء
خافن من دمع عينك تروه
واحفظ ماي گصتك شدة من أتضيج
بس وكت الزعل نگط أمروه
رد مع اقتباس
المشاركة الأصلية كتبت بواسطة •○●سيدة ذآإتـ♥̨̥̬̩ي●○•
