تزوجت بغير قناعتي والنتيجة طفلين شايل همم اذا تركت زوجتي ...
السلام عليكم
عندي مشكلة جبيرة كلش وكل يوم تكبر اكثر واكثر وما اعرف شنوا اسوي ومحتار
بدات القصة من كنت بعمر 29 سنة ما اقبل الزواج لان كان حلمي اطلع بر العراق او ما احب الارتباط
بعد ضغط كلش من امي الي هي اعز ما املك واحبة كلش هواي لان بصراحة تعبت علية وتحملت هواي مشاكل المهم
بعد ظغط قوي من امي بان اروح لبنية هي اختارتة الي رغم انا بلغت لا تنطيهم موعد لان انا ما اريد
المهم بيومة صار ضغط عليى حتى الوالد ضل يصيح وكال اذا ما تروح لا تبقى بالبيت اليوم واجو عمامي ونصحوني انا اروح
علمود بس يسكتون انا رحت بس مجبور ولبست اسوء ملابس عندي وهو تراك رياضي اتصور كان يمسحون بية الارضية اعترضو علية كتلهم اذا
ما تقبلون ارجع وما اروح طبعا البنية تفاجت بال ملابس طبعا شكل البنية كان مو كلش يعني نكدر نكول مقبول بس مو حلوة بصراحة
وامي كدرت تطي اعذار المهم انا قبلت وبعد 7 سنوات من الزواج هسه عندي طفلتين
ويومية مشاكل لان بصراحة ما عندي شيء تجاة رغم هي خوش بنية بس دائما ما اتقربلة ومرات غصب عني بس اريد اسكتة
وهي دائما تصير مشاكل لان ما اسمعة كالام حلو او حتى اهتم بية
هسه انا حاير اذا فكرت اطلكة بس منو يربى هاي البنتين واذا ازوجت غيره اكيد راح ما تهتم بهاي الطفلتين وخاصة انا احبهن كلش
فلرجاء النصيحة
رد مع اقتباس
المشاركة الأصلية كتبت بواسطة Hussein44
