هنا

[بهلول الرشيد]

امي
امي اشما اسولف بيج
يمة العجز يطويني
انا اخلافج محطة ظيم
... والاهات كل لحظه تلاويني
يمه اشبيه الك كلمات لواكتب عليج احروف ما اوفي ابفقس عيني
يريحة الماتملها الروح عطرج يمة سابيني
يرافقني الامل وياج يدنية وكمرة اسنيني
يمه انتي شمس دنياي ولو غيمت تضويلي
يمه اشما اوافي اوياج اضل مطلوب صدقيني
كل طلقة التطلع الروح اسمعج وانتي تسكيني
تسع اشهور محسوبات وما انكر انا وهيهات ياطرفة عناويني
انا اخلافج وسادة نوح والاهات تكويني
شجن واعيوني ماترتاح




الا ابشوفتج عالروح كن نبضة شرايني
يمه اشما اوصف اغلاك اعجز لو تسأليني
انااا ذاك العشت وياك من صغري تباريني
من فمك تردي الزاد بس كونج تغذيني
ولو مرة صحت عطشان واّنه امفرفح وشحطان دمعج يمة يسقيني
يمة اعجز اعد ابحور ويابحر اليرويني
بس حبج دمه بشريان من ينبض يجويني
ياخيمة وحلم وهواي ياشحطه الم وياي ياصدر اليناغيني
حنية الم مجروح وبحبج تداريني
احس ابساعة التمشين واصحة من تلوليلي

دللوش الولد بس نام برموشك تغطيني
وبأيدج على الكتفين بجروحج تهمسيني
يافرحة شهر وسنين من تضحك مجاميني
لان انتي السعاده وبيك افرح من تذكريني
اشوفك شوفة المحتام ييمه ابحضن لميني
انا ذاك الصرت برباج بربوعي وبساتيني احسك جمرة بالانفاس واحسك عين تربيني
انا شلي بعد بالروح لورحتي ونسيتيني
على الدنيا العفا وماريد بعدج ماتن اسنيني
ييمه انت الفخر والله وتاج الراس تبكيلي
وتاج الراس تبكيلي
الاديب شاعر ال البيت ابا الحسن المدرس الفراتي

[Eng.Noor]

انا اخلافج محطة ظيم
... والاهات كل لحظه تلاويني
قصيده مؤثره بحق اعز الناس
شكرا بهلول جزاك الله خيرا

[مصطفى العراب]

كلمات رائعة عاشت الايادي اختيار قيم

تقيمي

[علي الازيرجاوي]

ررررررررررؤعه ابو زهراء الغالي

[بهلول الرشيد]

انا اخلافج محطة ظيم
... والاهات كل لحظه تلاويني
قصيده مؤثره بحق اعز الناس
شكرا بهلول جزاك الله خيرا

تسلمون على المرور والاطراء الجميل

[بهلول الرشيد]

كلمات رائعة عاشت الايادي اختيار قيم

تقيمي

تسلم ياورد وشكرا للكرم

[بهلول الرشيد]

حبيبي علاوي تسلم ياطيب

[كبريائي قاهرهم]

تسلم يا راقي
تستحق التصفيق
وبحرارة
لجميل الكلمات الرائعة
التي اسّرت ناظري
و تمتع بها فؤادي
لا حرمنا نبع عطائك
تطلبني تقييم
لي عودة للموضوع
لروحك الود والورد

[بهلول الرشيد]

تسلم يا راقي
تستحق التصفيق
وبحرارة
لجميل الكلمات الرائعة
التي اسّرت ناظري
و تمتع بها فؤادي
لا حرمنا نبع عطائك
تطلبني تقييم
لي عودة للموضوع
لروحك الود والورد

كل الود لروحك العبق ولاطراءك الرائع