عنيت وبس عليك الناس يعني
ومنو غيري الك بالناس يعني
اكله شكد تحبني يكلي يعني
شنو اليعني منو اليصرفة الية
عنيت وبس عليك الناس يعني
ومنو غيري الك بالناس يعني
اكله شكد تحبني يكلي يعني
شنو اليعني منو اليصرفة الية
سبحان الرسم خدك وشم بيه
وتمنيتك عطر بيدي وشم بيه
عيونك حفرن بگلبي وشم بيه
وكل نظرة منك توصلني المنية
حبيبي اشما غلط وياي منفيه
أظل أشرب عذب سلسال من فيه
قلبي تسأل العذال من فيه
قلت هوَّ حبيبي الخان بيَّه
أريد أنطيك جلدي اتلبسه مثل الثوب
وأريد أنطيك روحي وكلبي وأحضاني
خايف عن غفل يمكن يجيني الموت
حتى انموت واحد شابك الثانــــــــي
اليفارك حتما" اعلى النوح يدمن
ومرسى يصير بيه الهموم يدمن
نكر شيبي الهويته وصاح يدمن
ولا جن أثر هز كاروكه بيه
أحاجي بروحي كل ظني احاجيك
وانام هواي بلكي احلم والاكيك
الك مشتاقه روحي تريد ملكاك
وكلبي بكل دقيقه يجيب طاريك
تعال ومر عليه حتى لو مجبور
لتخلي الشماته تكول ناسيك
هجرك يا ولف صاير بلا حد
مثل سيف اليگص رگبه بلا حد
گلتلي انتظري اني ارجع بألاحد
اجه الاحد ويمتى تعود اليه
ابو ذيه علي اريد مو ومضه
صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه
احبك حب فلا ينوصف وصفة
كلبي عليك مثل الذهب وصفة
مريض انا وطبيب الوصف وصفة
خدودك والشفايف صيدلية
اذا نترك ودادك وانتنازل
احرك جدنا الاول وانتَ نازل
بعد روحي احطك وانت نازل
وسط كلبي واريد اقرب شوية
رد مع اقتباس