هنا

[(ملاك الروح)]

يصرخ حنيني ... آه ياجنيني ام هدى الخزاعي ------------------------------------------------ عصروني بويه اليوم ... گلبي يون مهظوم يصرخ حنيني ... آه يا جنيني ---------------------------------------------------- يابويه بعدك ماشفت بس ويلات ... وحزان گلبي اترادفن والاهات واحقاد ثارن عالعمر بالنكبات ... راووني انواع الهظم واللوعات وادمولي بويه الروح ... ومابطل مني النوح سمعو ونيني ... آه ياجنيني -------------------------- يابويه التسمو جذب بالاصحاب ... بين غدرهم والظلم والاسباب عصروني بعدك من لذت خلف الباب ... وسگطو جنيني والگلب ون وذاب بويه بظلم سگطوه ... هرش الگلب ذوبوه ذبلت سنيني ... آه ياجنيني -------------------------- يابويه من طاح اسمعت صرخه عليه ... من امي واملاك السما تون تبجيه طفل السگط من فاطمه اتگلها اخذيه ... شالته الاملاك وخذته الباريه يشكي الظلم والجور ... وتلاگفته الحور تشبحله عيني ... آه ياجنيني --------------------------- يابويه ما كسرو ضلع ليه اضلوع ... وسگطو جنيني والگلب ظل مفجوع وحشاي ظلت عا لطفل بويه تلوع وهرش الگلب لفراگه صبح مگطوع طفل وسگط مظلوم ... سابح غرك بدموم ردتك تجيني ... آه ياجنيني --------------------------- وبعيني من شفته سگط ظل مطروح ... اظلم نهاري وصارت احزاني اتلوح ياخذني گلبي الكربلا وروحي اتروح ... يم ابن ثاني بكربلا بغل مذبوح طفله بسهم ذبحوه ... وجبده بعطش فتوه الطم جبيني ... آه ياجنيني ---------------------------