تريد الصدگ ياگلبي انته تچذب
اعليه زعلوا من گلت چذابين
تريد الصدگ ياگلبي انته تچذب
يوافون گتلي وگتلك آنه اتحداك
يومين كودالله وگلبهم يلعب
حتى الحلف مينام اذا ما حاجيه
صاير ينام بدوني من المغرب
واكتب قصايد واختنگ تالي الليل
وهيه التكتلك مايحس من اكتب
عافوني وتعافيت بس تعافيت
جبت الشمس وياي حد باب البيت
مو ذكرى لا علّه بگلبهم خليت
لينساني گد حجايته وميتّعب
بس لا يجيني ويعتذر عالسواه
انه النسيت وبطلت مااعتب
وليشيل هم لحزني و دموع الليل
شجرة دموعي الناس بيها تحطب
من جنت طيب حصلت بس طعنات
خليني اصيرن مره أبد مو طيب
بلكي الله يگعد حضي وارجع مرتاح
والليل يترس عيني شبگات وحب
يا گلبي تحلم تلگه صاحب للموت
عالاقل ضملك واحد لحدما شيّب
رد مع اقتباس
