ابيات غزل لحبيبي الشهيد الصدر-حسين الساعدي
ذايب ابكلمة حبيبي
الطالعه ابصوت الصدر
.
بيها منهاج المحبه
المت اوزان الشعر
.
عَلم العشاك بيها
اشلون يفدون العمر
.
وهو هم ضحه الحبيبه
ماخلف ذاك الامر!
.
والله عينِ الما تشوفك
ابد ما تسوه النظر!
.
ياصدر والله احبك
وبجمالك افتخر...
.
حاير ابيا رقم اعدك
وانته ما ادري اشكثر!
.
ياحبيبي الما يحبك
هذا اقل من الصفر!
.
اشلون اوصفك يامحمد
حاير ابكل الصور,,,
.
غيرة العباس عندك
والوجه مثل الكُمر
.
صوت الحسين وصفاته
ابهلمواقف والصبر
.
مدري انته ابهل شجاعه!
مدري حيدرنه الحضر!
.
اسمك امعطر المدينه
وعطر انفاس البشر
.
والورد يتعنه يمك
منك ايريد العطر!
منك ايريد العطر
حسين االساعدي
رد مع اقتباس
المشاركة الأصلية كتبت بواسطة علي الاسدي**
