نصائح للبنوتات
نصائحنه اليوم اذا طلعتي ويه زوجج...وينهن المتزوجات والبنوتات تعلموو للمستقبل يفيدكم
اذا طلعتي مع زوجج عليك اتباع الارشادات التاليه
اولا / التزمي الصمت ولا تتحدثي كثيرا لان من تسولفين وياه راح اجوبته تكون هكذا اي نعم خوش ميخالف الله كريم ان شاء الله زين فهمت لان مثل ميحب يصرف فلوس من يطلع كذلك ميحب يصرف كلام لذلك لاتفشلين نفسج
ثانيا / لاتمشين وراه لان من تمشين وره يحس نفسه يسحب قطار كانما مخليج على ظهره امشي بصفه وشويه همي رجليج لان هو دائما سريع عبالك عصابه تركض وراه احسن ميصيح عليج امشي مثل مشيه
ثالثا / مو كلشي تشوفيه تكليله الله باع هذا الشي شكد حلو الله لو عدنه مثل هذا المعروض الله والله عيني اتمني بداخلج لا تكولين الله من باب الامنيات لان كل ماتكولين الله كانما تكليله اشتري ميحسبها امنيه وهيج حاله تسوي عنده عقده وراح يتنرفز واحتمال تحصلين كرصه معدله
رابعا / اذا وياج جهال مو تخلين واحد يجر طول واحد يجر عرض كمشيهم بايدج لان هو مثل ما معتمد عليج بالبيت حتى بالطلعه راح يعتمد عليج واذا واحد من الجهال سوه وكاحه راح يحط الضيم كله بيج خرب شلون طلعه تلعب النفس بس يلا تحملي هاي خبالات وقتيه
خامسا / مو كلساع فايته محل بس تشوفين وتطلعين تره يموت من هاي الحاله حاولي تختصرين محل محلين واشتري مو تفرين كل المحلات لان احتمال يعوفج ويروح ميحب يفرفر مثلج هو عنده معاميل فلان محل رأسا يروح اله عباس ابو الغذائيه ودريد ابو الملابس وجعفر ابو المخضر انتي هم حددي الهدف الرايحه علموده
❣❣فدوه العينج كبوده تستاهلين هذا التعب
رد مع اقتباس
المشاركة الأصلية كتبت بواسطة زهره سقاها الحزن
