هنا

[بـشــــار]

مساء الخير اصدقائي

شلونكم شخباركم عساكم بخير

اكو فد ظاهرة او سلوك موجود عند كثير من البشر نعاني منه بطريقة كبيرة..

هسة على فرض اني مهندس على اي اساس اكَول للطبيب هذا المريض يحتاج لعملية او ميحتاج واكَعد اناقشة واعلمه.؟

اني اتفق ممكن تجارب الانسان تعلمه هوايا امور هي مو ضمن تخصصة بس غلط انك تفرض رايك وتدخل بامور اساسا انت جاهل بيها او تحشر خشمك بسوالف وكأنما أنت مرتدي ثوب الملاك النقي او العالم بكل شئ ..

حشرة الخشم الزايدة بكل مفاصل حياة الانسان..

ليش لابس/ة هيج؟
شوف هذا يريد يزوج فلانه؟
عمي هذا جان فكَر منين صارت عندة فلوس وصاعد جارجر؟
اكَلك صدكَ ليش تلبس الساعة بيدك اليمنة او ليش تلبس الساعة بيدك اليسرة؟
هاك شوف هذا المعقد والمنافق رايح يصلي وهو عينه بس ع البنات؟
اكَلج انتي ليش لحد هسة ممزوجة اخاف بيج عيب؟
صدكَ صارلك 5 سنين متزوج شو مصار عندك طفل؟
شوف هذا مسوي نفسة شاعر وهو القصيدة مالته كلها زحاف؟
و و و هواية اكو من الحالات والاشخاص الي يحشرون نفسهم بكلشي وهم اصلا لو تباوع عليهم تعجز ان تلكَه صح واحد بحياتهم..

مرات اكَول يمكن من الغيرة او هو طبع متطبعين بي وخلص صار هالشي جزء من حياتهم..

الفضول مو غلط لكن ماتخلي فضولك يسيئ لغيرك وأن تستخدم هالمعلومة العرفتها عنه للإستهانة بي..

اصدقائي
الساحة مفتوحة لكم للنقاش وياريت اذا مريتو بهيج اشخاص او تجارب تحجولنا..

اعتزازي
الموضوع كتب الان

[† ذلفاء †]

مساء السعادة ..احيك على اختيارك لعناوين المواضيع ومحتوى والمضمونه ؛
طبعاً الخشم الرب خلقله لتنفس والاستشاق مو نخلي بشياء متعنينه ؛
لابد كل شخص يكره لغيرة مايكرة لنفسة؛ لكل انسان لة مساحة مخصصه بحياتة خاصة يمتلكة يرفض غيرة تدخل بها ؛لابد تحترم الرغبات ويحترم المقابل ؛ الان اصبح مجتمع متفتح علمياً وثقافياً وتكنلوجيا وحتى الشخص الامي هم لديه كم هائل من معرفه ولكل تعرف صح والخطا فميحتاج يجي شخص يكله هذا غلط راح يجاوبه يكله ادري وانت شعليك ضارك انا بشي ميخصك ؛

[بـشــــار]

مساء السعادة ..احيك على اختيارك لعناوين المواضيع ومحتوى والمضمونه ؛
طبعاً الخشم الرب خلقله لتنفس والاستشاق مو نخلي بشياء متعنينه ؛
لابد كل شخص يكره لغيرة مايكرة لنفسة؛ لكل انسان لة مساحة مخصصه بحياتة خاصة يمتلكة يرفض غيرة تدخل بها ؛لابد تحترم الرغبات ويحترم المقابل ؛ الان اصبح مجتمع متفتح علمياً وثقافياً وتكنلوجيا وحتى الشخص الامي هم لديه كم هائل من معرفه ولكل تعرف صح والخطا فميحتاج يجي شخص يكله هذا غلط راح يجاوبه يكله ادري وانت شعليك ضارك انا بشي ميخصك ؛

اهلا وسهلا ست ذلفاء
كثير من حشر الانف والتدخل باشياء ماتعنيك ممكن تسبب حرج للاخرين..
البنية مالها ذنب عمرها 30 او حتى 40 وممتزوجة ليش هالتخلف الا نطلع عيب بيها.؟
مصار اطفال وهاي بيد رب العالمين ليش نسبب حرج ونظل نسالهم.؟
شخص فشل بمشروع او دراسة ليش احسسه بنقص.؟
وكثير من الامور الي اعتبرها توافه وماذكرتها ..
غلط ان نعيش على اخطاء الاخرين او نعيش على مسببات ضروفهم والمعرقلات او حتى الكيفية الي هم عايشين بيها ..
اسعدني رايج ياطيبة

[عـلي الذهبي]

حياك الله
ـــــ
هذولي الي يحشرون انوفهم بـكلشي
اعتقد انو هما يغارون
لذلك ميلگون غير طريقة يخربون بيها الحياة غير حشر الأنف
ــــــــــ
طبعاً آني مريت بهذي التجربة لما كنت صغير
كان عندي صديق دائماً ويايه يسولف و يضحك و كذا
بعد فترة عرفت انو هو حشري
لأن صار يسألني
انته ليش مربي شعرك مو عيب ؟
انته ليش تلبس كذا مو عيب ؟
حتى وصلت بي المرحلة يتدخل بأُمور م تعنيه أصلاً
بعد من يومها بطلت التقي وياه أو أكلمه
ـــــــ
و علاج هذي الحالة هو :
الإعدام شنقاً حتى الموت
ــــ
تشكرات ع الموضوع

[بـشــــار]

حياك الله
ـــــ
هذولي الي يحشرون انوفهم بـكلشي
اعتقد انو هما يغارون
لذلك ميلگون غير طريقة يخربون بيها الحياة غير حشر الأنف
ــــــــــ
طبعاً آني مريت بهذي التجربة لما كنت صغير
كان عندي صديق دائماً ويايه يسولف و يضحك و كذا
بعد فترة عرفت انو هو حشري
لأن صار يسألني
انته ليش مربي شعرك مو عيب ؟
انته ليش تلبس كذا مو عيب ؟
حتى وصلت بي المرحلة يتدخل بأُمور م تعنيه أصلاً
بعد من يومها بطلت التقي وياه أو أكلمه
ـــــــ
و علاج هذي الحالة هو :
الإعدام شنقاً حتى الموت
ــــ
تشكرات ع الموضوع

ههههه لك علوش شنو هالعنف
هلا بحبيبنا
اي فعلا هالناس موجودين ممكن هذا صديقك حشر نفسه باشياء عادية بس اكو اشخاص يتمادون وشما تسوي ميبطلون..
ومثل متفضلت هي غيرة ..
اسعدني رايك حبيبي علوش الورد
محبتي

[نـايـا]

فعلا هوه التدخل شي مزعج
بس احيانا السؤال يكون بقدر المحبة ..لذلك لو ننظر لها من الجانب اﻻيجابي افضل

[بـشــــار]

فعلا هوه التدخل شي مزعج
بس احيانا السؤال يكون بقدر المحبة ..لذلك لو ننظر لها من الجانب اﻻيجابي افضل

اذا شخص يحشر نفسة دائما بحياتج تتقبلين هالشي
شخص يسالج على كل جبيرة وصغيرة تتقبلين هالشي
المحبة حلوة من تجي بطريقة تلقائية مابيها حسابات اخرى
نورتي نايا

[حور ☀️]

...احيانا يكون التدخل البسيط من باب الاهتمام شي لطيف..
بس من تزيد عن الحد المسموح تكون مزعج شي اكيد....ولكن
اكو فرق بين يدخل بكلشي لان يخاف عليك وبين الي يدخل بكلشي ويمنعك لان يريد يكون الافضل.
عموما كلام الناس اللي يأثر على الشخص بشكل سلبي.الافضل ما يعطيه اي اهتمام...
​ومثل ميكولون ..(كلام الناس مكالمه لم يرد عليها


شكرا على الموضوع

[أغرد بهمس]

لان بكل بساطه احنا في مجتمع شرقي
المجتمع الغربي تكاد تنعدم العادات التي ذكرت في موضوعك انفا وتجدهم في تقدم اما نحن تنتشر كل العادات التي ذكرتها ونحن في رجوع وتخلف

لو رأى الشخص عيوبه كما يرى عيوب الاخرين لصلح المجتمع

تحية

[بـشــــار]

...احيانا يكون التدخل البسيط من باب الاهتمام شي لطيف..
بس من تزيد عن الحد المسموح تكون مزعج شي اكيد....ولكن
اكو فرق بين يدخل بكلشي لان يخاف عليك وبين الي يدخل بكلشي ويمنعك لان يريد يكون الافضل.
عموما كلام الناس اللي يأثر على الشخص بشكل سلبي.الافضل ما يعطيه اي اهتمام...
​ومثل ميكولون ..(كلام الناس مكالمه لم يرد عليها


شكرا على الموضوع

رأي جميل..
بحديثي حاولت حصر الموضوع على الاشخاص الفضولين الي يدخلون بامور غيرهم بطريقة يحبون يحرجون المقابيلهم او يقللون منهم..
اني بالعكس اتفق ان الشخص الي يسال عنك وينصحني او يتمنى الي الخير هالانسان اعتبرة راقي وسند حقيقي الي بحياتي..
لكن اكو فئة من الناس فرعون يكونون بحياتنا وليس عون
شكرا لرايج الجميل