عيني وحلقتج باللمعه چنهن توم
وخدي من البواچي نبنت بيه اثار
اسولف للنجم قصتي ويصبح غيم
تمطر كل فجر دمعاتي وبقى محتار
صافن ها خذج ها حبج
ولليوم ماشايف الجنه وبروحي
تشعل نار
جهنم تحله لليحلم بشعرج ليل
واني احلم بحظمج حلم مال زغار
يبوس بكصتج بل الخطبه حيل رتاح
واني ابدتلج كم حلم بيه اندار
كالولي انتظر
بس انا وتصبح ليك
اشو فات الشهر والحلق بيدج صار
ما اعوفك ابد كلتيلي شلتي الميم
وهلاهل خطبتج وصلت لسابع جار
اليسولف على العشك يم اذني
چن چتال
يبني احلام كلبه وكلبي بي انداس
كلبي من الخجل ما يلتفت للناس
ضم روحه بحسرته وخاف لا شمات
شافو دمعته وكل دمعه بيها احساس
اصفك بالحلم چن عرسي اني وياج
وخجل من افز وبذني صفكه فأس
قروها الفاتحه اهلج وهلي نفس اليوم
امج هلهلت
وامي لتدك على الرأس
جبل طاح على متني من خطبها
وحجت خرسان صاحت من خطبها
صحت ربي ارد انشدك من خطبها
خطبها الي يحب چتال اخيه
#خلك_شايب