كبر ذنبي ..
ولكيت الناس تهوه سوالف الجنه
ابردت ناري وكلت معذور ..
اشما تنزل شمس للكاع تجوي اخدودها الحنه
و عذرته المايعرف الااااخ عاش وحيد..
وعرفت الشجره نثية كاع من يلحك ثمرها اتريد لزمت ايد
نسيت الليل البراسي وحسبت الشيب ع الكمره
ويفزن بيه التلاثين ذلة غيم باكت هيبته الكطره
تصوفر صفنتي بمامش وارد اتراب ..
وخضر جلمة املاكه اعله كل اصبع يمر غلطان يم الباب
لا صحلي وجه وقراه ولا نه اتهجل البروحي
عشت دنيه غريبة شوف
انزع كل بياض الماي واسومر مستحه بلوحي
اثاريني فلا محسوب ولاتايه سحك دربي
لكيت الناس صبخة شوك واشتلك وين ياكلبي