مسا الخير لدي استفسار حول كيفية اعادة الفيس بوك امن بعد ان تم تهكيره هسا لو بس اعرف الي هكرني شنو حصل وشنو كان رايدالمهم الهكر ممبقي صفحة تعبانه على النت الا ممسوي عليها اعجاب شلون اكدر الغي كل هل لايكات وشلون اكتشفهم عدا الي كم صفحة الي ظهرت يم اهلي وكدرت الغيهم ياريت الي يعرف معلومة ميبخل بيها والله يبعد عن الجميع هل مصاب
مساء النور...
اول خطوة تأمين حساب الفيس بوك هي تغير كلمة السر وجعلها قوية اي خليط من الحروف الكبيرة والصغيرة والارقام
وثانيا تشغيل
عن طريق رقم الهاتف او البريد الالكتروني في حال اي احد حاول دخول حسابك حتى على الاقل تتنبهي
تلقي تنبيهات بشأن تسجيلات الدخول غير المعروفة
اما بالنسبة لالغاء الاعجاب بصفحات الفيس بوك بسيطة كلش بمجرد ان تنقري على خيار الصفحات بالجهة اليمنى من صفحة الفيس بوك راح تظهر الج كل الصفحات الي سجلتي اعجابج بيهة وتدخلين وتلغين الاعجاب
اتمنى تستفادين من الاجابة
اول شي يعني هي اتهكرت الباسورد شنو بقى عندج لو شنو السالفة؟اشلون اتهكرت واشلون كدرتي تلغين الاعجابات هاي وحده..نقطة ثانية انتي مسويه مصادقه ثنائية ؟اذا مسويه فمايكدر يخترق حسابج ..
عموما سوي مصادقه ثنائية والافضل تحذفين الصفحة نهائيا وابدي من جديد حساب جديد واول ماتسوين المصادقة الثنائية ويه رقم التلفون محد يكدر يوصل يم حسابج
اذا تريدين تسترجعين حسابج القديم
روحي سوي تسجيل واكتبي اي باسوورد
را ح يطلعلج هل نسيت كلمة السر
ويطب منج تدخلين الايميل او الرقم مال الموبايل الي مسجلة بي
بعدين يفوتج ويطلعلج حسابج
والنوب تروحين تسوين مثل البلاغ ان هذا حسابي وانسرق راح يطالبج بارجاع المعلومات او يرجعهن الج اما على ايميل مخليته انتي
او يدزلج رقم امان انتي رابطة موبايلج بي بالفيس
اذا رجعلج الرمز
ادخلي على الاعدادات
وروحي عالامان
امني الحساب برقم موبايل (شريحة تشتغل علود تتسلمين بيهه رموز الامان)
النوب ارجعي عالخصوصية
وخلي الموبايل غير مرئي
والنوب امني الحساب بهوية
وبعد بس مارك يكدر يخترق لحساب
رد مع اقتباس