هاكم حالتي وحكموا عليها
يومية أختنكَـ وأفحط بديها
أغازلها ورمشها يلامس الكَاع
من المستحه ويلمع حجيها
واكَله شبيج وتكَلي أنت بيه
بنص ضحكتها يتخوصر بجيها
وأرجع الساعة للعيد المضى هناك
والكَه الشوغة ذيج البيه بيها
الراحة تريد نيّة مخاويه الطين
وانا لروحي الكَطن صبح خويها
لاحظك ولا قسمة التجي وياي
ولا ظل باب شو ماماشي ليها
مو غركَان چا ليش أختنكَـ هيچ
ابلاش الفرحة بس آنا أشتريها
السماء تخنكَـ العاشكَـ صايرة وياي
هوى الدنيا خلص والصورة بيها
شكثر هددت عشرين التجاعيد
هيه العرجه ماتت غالبيها
واضوك إحراج خاطب شاف ديان
راد فلوس حلقتها البديها
وره رمضان عشرة اعياد اهي تصير
كون الناس بس تلزم حجيها
بعد ما أمن بعين من الأيام
الحچه وياها كَبل يحچي عليها
العرف نفسه تره اللـــ بالزفة جناز
بكِلا الحالات كَهوة وشاربيها
بكِلا الحالات كَهوة وشاربيها
رد مع اقتباس