اضحك للحــــــــزن لا تبجـي وياه.
اذا فرحان شافك يمشـــــي ويروح.
واخذ طبع السفن من تطعن الروج.
ماتترك اثر لاثار الجـــــــــــروح.
بقلمي
***************************
لو تدرين بيه اشكد الج مشـــــــتاك.
ألج شوكي جمر كل لحظة يجويني.
ياحلوه محبتج دم سرت بحشـــــاي.
اشلون انساج وانتي ابكل شراييني.
بقلمي
**************************
شفت حبك عذاب وهالعذاب أيهون.
من اترك غرامك والعشك كلـــــــه.
ما احبك كرهتك يعني راح انســاك.
لان صارت محبتك مو فخر ذلـــــه.
بقلمي
****************************
كل لحظه التمر تسألني روحي اعليك.
شكللها وشجاوب خلصت اعـــــذاري.
اكولن ما اذكرك صعبة ما انســــــاك.
والك غصبن علي تنذكر بالطــــــاري.
لان اسمك عسل بالساني مطبـــــــوع.
وعلى اللساني بنيتك نصب تذكــــاري.
بقلمي
*****************************
من ايدك لزمتك واني غافي ابطيف.
ولكيت اثار ايدك بيدي من فزيت...
بقلمي
تحية حب واعتزاز مني لكم,, حسين العقابي...(ومضة أمل)
رد مع اقتباس
