هنا

[بـشــــار]

مساء الخير..

الضجة الي صارت قبل فترة ولحد هسة مستمرة بالعراق وكانما كل المشاكل انتهت او فرحانين بتبليط شارع لو نحلت ازمة الكهرباء او الموازنة حققت رغبات الشعب العراقي..

جليلة المغربية في العراق

يعني كمية النفخ والتهويل بهالشخصية حسستنا ان جليلة هي الي حررت العراق وهي الي وحدة الشعب وهي الي هدأت الاجواء السياسية..

اني ابد مو ضد اي شخص يزور العراق ويمدح بهالبلد العظيم والشعب الطيب بس ضد ان نعطي شخص حجم اكبر من حجمة ونحسس الدنيا ان احنا مو مصدكين بقدوم برنسيسة النساء جليلة !

لما افتح يوتيوب او ازور المول او من اشوف تجمع كدامي علمودها بصراحة اتسأل معقول هيج الشباب العراقين كاتلين نفسهم..

مااقصد اساءة ولااحب التجريح بس ليش كل هالضجة وشنو الي قدمتة هالفنانة حتى تصير حديث الشارع البغدادي والقنوات !

المساحة حرة للجميع
وهذا اول موضوع الي بهالقسم

[عـلي الذهبي]

و الله هي من ناحية :الناس ينطوها أكثر من حجمها
و من ناحية أُخرى : حليمة وين ؟

[ود 'ے]

يااخي المفروض تعودنا ، هالمجتمع يحب يصعد اي شي يشوفه جديد ، مثلا تلگه باليوتيوب مواضيع متستحق تنتشر اكيد مار عليك او سامع ، حتى لو اشياء تافهة يومين ثلاثة بعدين تنسي ، فعادي

[بـشــــار]

و الله هي من ناحية :الناس ينطوها أكثر من حجمها
و من ناحية أُخرى : حليمة وين ؟

هههه عود دتكحلها تعميها
ياعيني جليلة وحليمة منو هم اصلا
انت شايف حجيهم لو لا

[نـايـا]

شعب يحب يشهر العالم
ماعرف شنو الي يميزها عن الفنانات الباقيات ..
بالمناسبة هي ممثلة لو مطربة ..والله ماعرفها بس شفت عناوين باليوتيوب مخبوص بها

[عـلي الذهبي]

هههه عود دتكحلها تعميها
ياعيني جليلة وحليمة منو هم اصلا
انت شايف حجيهم لو لا

اي يخبل
بس حليمة احلى من جليلة خلينا نكون واقعيين

[بـشــــار]

يااخي المفروض تعودنا ، هالمجتمع يحب يصعد اي شي يشوفه جديد ، مثلا تلگه باليوتيوب مواضيع متستحق تنتشر اكيد مار عليك او سامع ، حتى لو اشياء تافهة يومين ثلاثة بعدين تنسي ، فعادي

بس هذا تعويد محلو واحنا ارقى من هيج مستوى
ممكن يتسائل شخص يكول بس هي ممأذية احد
صح ممأذية احد بس اخذت اكبر من حجمها
قالت جليلة عملت جليلة اكلت جليلة شربت جليلة وجليلة خبلت الشباب والشباب ميتين على جليلة وجليلة اليوم هنا وباجر هناك و و و الخ
يعني مثل العراق كشعب مفروض مينطي اهتمام لهلدرجة وهم ياريت مستفادين شي
شكرا ود لرأيج

[بـشــــار]

اي يخبل
بس حليمة احلى من جليلة خلينا نكون واقعيين

الواقعية ماالها دخل منو احلى من منو
الواقعية ان يكون الشخص متزن وما يعمل هالة لشخص اساسا ممعروف ببلده

[عـلي الذهبي]

الواقعية ماالها دخل منو احلى من منو
الواقعية ان يكون الشخص متزن وما يعمل هالة لشخص اساسا ممعروف ببلده

اي صح
شعب فاشل غير

[بـشــــار]

شعب يحب يشهر العالم
ماعرف شنو الي يميزها عن الفنانات الباقيات ..
بالمناسبة هي ممثلة لو مطربة ..والله ماعرفها بس شفت عناوين باليوتيوب مخبوص بها

ترا فعلا كلامج صح
اذا تذكرين الزوبعة الصارت قبل فترة بسبب ملاك الكويتية وشلون ملاك تسب العراق وقامت القيامة وهو بالحقيقة احنا انطيناها اكبر من حجمها
نفس الشي جليلة او غيرها مع كل احترامنا لشخصهم بس هم منو وشنو الي قدموا وعلكولتج هم ممثلين مطربين
هاي مثل سالفة المطربين الخليج والعرب وهم مع احترامي الهم تريد تطش غني عراقي لان الجمهور العراقي اقوى جمهور مؤثر بالوطن العربي فيصعد سوكهم كبل
شكرا لرأيج نايا