هنا

[احمد العثمانيے]

الماي شال تراب لو مر بالتراب
ولو چره بين الصخر كلش يطيب
احنه مثل الماي صفانا العذاب
ولو شرب من ماينه معلعل يطيب
امتحنه سنينه مية امتحان
وماعرفنه شتمتحنه سنينه
نغطها ساعة والعقل عند العنان
وساعه بظهور الليالي تغيرنه
مدري احنه ندير دولاب الزمان
مدري دولاب الزمان يديرنه
شو اشوفنه الشمس قبل الغياب !!
هم ترد اردود وارگت على المغيب
لا تسولف لو جزه وكت الشباب
هاي دنيا وشيبت گبل المشيب
يظل يفر دولابها بكيفه ويطوف
هاي دنيا ومن تفر بكيفها
عاشروها وگطعت منهم چفوف
وشتموها ورد عليهم سيفهه
واحنه مثل الناس بالديره ضيوف
وعاد مدري شلونها وي ضيفهه
واني وي دنياي صفيت الحساب
من شفت عيسى ركد فوگ الصليب
حسين ذاك حسينها وذاك المصاب
ضال بيهه المنتظر مثل الغريب
ها يليل شحصلت من النهار ؟
ويانهار شحصلت من ليلك ؟
ويا صباح الله الچشفتنه الستار
أشفنه بيك البارحه ونحچيلك
ويا صباح الله شـ مشه بيك القطار
وشكثر نام الگطه بشليلك ؟
وانا ذاك الما طلع من الگراب
جنزريت وحار بدواي الطبيب
دورينه وردنه يوم من الاحباب
لنه ممشه سنين عن درب الحبيب
الدنيا هاي طباعها اطباع الچراد
المايخلي السنبل يطگ عوده
واااه يگلبي يلوگلك لبس السواد
والوكت كل يوم يظهر موده
واني گلبي لو غده مثل بغداد
هم يرد بغداد ضلمه عجوده
هاي دنيا وچلچل عليها الضباب
الماتمييز بعيده من القريب
واني بيه تجرعت مر العذاب
وكل عجيب المر عليّ ماهو عجيب
وكل عجيب المر عليّ ماهو عجيب

[اسرار الكون]

قصيده جميله ~
شكراً لك

[ضّوِء أّلَقِمَر]

قصيدة جميله
شكرا لك