صير ابطول جرحي وأمشي وياك
انه الما أحب مشي الزعاطيط

ماخذت النصيحه ابذاكه ممشاك
عصفورك فلت شتسوي بالخيط

واشكد جرجريت ابهايه دنياك
مافادك اشعيط ابجرة امعيط

دَور مستواك والعب اهناك
تكدر تختلط ويه المخاليط

لتزامط صكر طار وتعلاك
بعدك وينك إوين التزاميط

انته اتخيرت زوري وتعداك!
وانه اتجاوزت حته الشبابيط

كونك بالوجه تنطيني ملكاك
مو بالختله وتودي التواسيط

هاي اخر كتابه البيها طرواك
ونشوف الشعر من الشخابيط
حسين االساعدي