السﻻم عليكم
محتاجة مساعدتكم
اني من 2014 حبيت شخص عن طريق النت .. حبيته كلش من حبي اله ادعيله بكل صﻻة وبكل زيارة ..
الولد مؤدب ومحترم وصفاته رائعة جدا وما يوم اذاني بشي وﻻ استغل حبي اله بالعكس عاملني احسن معاملة بس هو يعتبرني صديقة واخت فقط ..
لحد اﻻن ما اكدر ارتبط بغير شخص ﻻن احبه رغم اعرف انه ما مفكر بية واني هم متاكدة انه مراح نرتبط ..لعدة اسباب..
انا حايا ﻻ اكدر اتزوج وﻻ حتى احب اي شخص ﻻن حبي اله ما ينوصف..
باختصار سعادتي بوجوده وحياتي متوقفة عليه ..
شسوي..
انرتي اختي انثى حائرة عندي كم سؤال الج اتمنى تجاوبين حتى اخوتج واخواتج م يقصرون بالمساعدة
1_ اعترفتيلة بهذا الشيء
2_اذا كولتيلة شنو كالج
3_ شنو الي يمنعة يحبج مثل م تحبينة
4_ اكو اسباب تعترض طريقكم فضلا اذكريها بالتفصيل اذا ماكو اي احراج عليج
شكرا
تم ارسال اهداء
حبيبتي بس انتي مذاكره الاسباب .منعرف شنگلج ،زين اذا متأكدة منه ميرتبط ف ليش هيج تفوتين سنين من حياتج ،الحياة مستمرة واليكلج توكف ع أحد كلش غلطان ، لتبقين مختصرة حياتج علي ، اهتمي بنفسج بمستقبلج احسن هاي اذا متأكدة محيصير ارتباط ، تمنيت اعرف عمرجبس اتمنالج الموفقية من كل كلبي
انا ليس لدي كلام الا
((البنية مثل شجرة اللبلاب بسرعة تلكيهه فرعه وطولانه))
اعتقد العلاقة اللي على النت تنتهي ...وهو اعتبرك صديقة واخت
..اذن لم يبادلك باي احاسيس...اعتقد هذه اول تجربة تمرين بها بحياتك..فالافضل اصرفي النظر
هو هاذ نفسه ألي يسموه العشق الأسود جميل جدا بس مؤذي جدا جدا ..
مدام تعرفين الارتباط ما راح يصير ومتأكده من هالشي فما كو داعي تبنين قصور على الرمال .. مجرد عاطفه مجنونه أكيد راح تصحى على نفسها بيوم من الأيام من تنصدم بالواقع و الواقع يكول ( وإن كانت ظالمة تأدب مع الحقيقة ليستقيم حظك )
حاولي تكوني قوية و الضغط على نفسج بلملمة المشاعر و بلا تهور بأعتراف طائش يقلل من الاحترام بينكم...
الله المعين
العفو بس موهي نفس البنيه الي تنشرالمشاركة الأصلية كتبت بواسطة *@أسير ألأحزان@*
بهذا الموظوع ينكتب اسمها انثى حائره يعني مايظهر الاسم الحقيقي يعني اي وحده تنشر هنا يتحول لقبها الى انثى حائره
وعليكم السلام
الحب شي حلو بس بنفس الوقت يعذب وتحبي من 2014 يعني هوايه
بس اذا معتبرج مثل اخت وصديقه يعني منتهي من الاساس بس اذا انتي مصارحته فهذا شي مختلف يعني لازم عرفتي رده ومشاعره اتجاهج لانو انتي مذكرتي اذا صارحتي او لا
خرب معودين مو نفسه هاي عضوية مفتوحة لكل شخص يكتب بقلوب حائرة
رد مع اقتباس