النار المضوية
رغم كل المصايب والليالي السود * اظل واكف رمح بعيون جتالي
و رغم جور الزمان وحر لهيب النار * انه المابعت روحي وخنت دلالي
انه صوتي مناره يدلي كلمن تاه *وايصحي المكابر صوت زلزالي
افتر بيه زماني مثل خورة ماي * وخلاني وحيده مكطعه اوصالي
جزع صبر الصبر يوم الشهد بلواي * وفت كلب الصخر من سولف بحالي
تعنولي غفل رادوني اهوي بساع* ما يدرون قوة سيل شلالي
يصوغولي مكر ظنهم اطيح بساع * وانه الحافظ وافرزن كل مكر جالي
وصعدوا على الجبل ظنهم اظل زغير* ما يدرون تشهك عاليه تلالي
دليتك بحكك يالجنت حيران * تالي تخون جف الدلتك تالي
انه النار المضويه اليعتنيه الضيف * وانه المضروبة حتى امثال بدلالي
يسوموني عبث ظنهم اساوي اموال * وانه السجدت زلمها لريحة اموالي
رد مع اقتباس
المشاركة الأصلية كتبت بواسطة عاشق الأزرق
