هنا

[fairy touch]

مو شوية القضية سريعة !
بيومين قررت ترتبط ...
اكو اشياء ما يرهم بيها الاستعجال ...كولش ما يرهم ...هاي حياة كاملة ..اتأنى ..و لا تستعجل ..هذا مو حب ...هذا مجرد اعجاب ...
يعني لا تنخبص ..و اترك الامور تمشي بهداوة ..و اذا قررتوا ترتبطون انصحك بفترة خطوبة كم شهر ....
الله يوفقكم

[Suzana]

فرحتلكم
عود اعزمنا فدوه

[ضياء المالكي]

حب مستعجل ... شلقضيه بهل الفترة القصيرة قررتوا
تدري لحد هسه اني والمره مامقررين نحب بعض يحتاجنه وقت

[Senorita91]

اهنيك على نيتك الواضحة لان قلة بالجامعة شباب رئسا نيتهم زواج مثلك

الله يقدمك كل الخير بقضيتك وي البنت

[فقار الكرخي]

يمعودين هو يريدكم تساعدو بفكرة شلون يكدر يحجي وياها . رقمها
شنو مستحي
حتى لو صديقاتها وياها
روحلها وانطيها الرقم اذا مثل متكول هي راضية
وهنيئا لك شلعان الكلب

[الغريب ي]

يمعودين هو يريدكم تساعدو بفكرة شلون يكدر يحجي وياها ..

رقمها
شنو مستحي
حتى لو صديقاتها وياها
روحلها وانطيها الرقم اذا مثل متكول هي راضية
وهنيئا لك شلعان الكلب

ههههههههههههههه

[خاطفة الانظار]

عزيزي انت روح احجي وياه مره ثانيه لان هي اكيد راح تستحي وهذا شي طبيعي

[فم اللبلاب]

صباح المجد يا بحّار..
تعال لنتفق أولاً على أن الحب عبارة عن منظومة لاسلكية/ أكو تردد (موجة) و أكو مستقبل (حاله حال الراديو أو التلفزيون)
تأكد جاي يطلع يمك الصوت واضح (صوتك أنت)؟؟/ من شكلت فيشة النظرة هذي طلعلك صوت بس.. صورة بس.. لو صوت وصورة؟؟
أخذ وقتك و تأكد من القناة.. أذا بيها مقدار تشوش ولو بسيط هذا ممكن يكون أي شي بس مو حب.
الأمر الآخر لاتدخل أي طرف بالنص لاصديقاتها و لا أصدقائك.. هذا وحيك و أنت النبي (صدوركم محد يقراها غيركم.. لاتشوهها بشي نشاز من برا)
تكول الصبية بقسمك.. بس ما أعرف إذا جنتوا سوة بنفس الدفعة و تشتركون بقاعة محاضرات وحدة؟؟
إذا أنتو بمراحل مختلفة.. حافظ على النظرات و بين فترة و أخرى ألسعها بنظرة وكاحة (لاتصير مؤدب زايد عن اللزوم) كن قليل أدب لكن بحب وخفة ساحر. رح تكلي هذا يطوّل و أني ما أصبر.. أكلك أحترك وصير لائق بهالرزق.. الحب مو ثبات ونبات مثل ما متصور و أنو رح تبتسم كطائر غرد.
تلوع.. أشتاق.. أسهر.. أبجي.. الحب يسحب روحك من صدرك وتكون ممنون منه.. مستعد لهالطف؟
إذا جنتو بدفعة وحدة و تتشاركون قاعة وحدة.. حاول تكعد وراها, خلي دخلتك متأخرة وخلي يحجزولك وراها بدون ماتنتبه هي و ينتبهن البنات.. خليها صدفة مُدبرة (بس مو كل يوم)، تابع تفاصيلها و أترس روحك بيها
تأكد هي هاي الي تريدها؟؟ أخذ وقتك
إذا تتشاركون بمختبر صير نفس كروبها.. صير وكح أخفي صدريتها و خليها تحتاج صدريتك
عيف الشعر الشعبي وسوالف المجروحين إذا رفضتك.. أرفض الرفض ببساطة وخليك مبتسم
لاتخاف أذا أشتاقيتلها أخذها من صاحباتها وحاجيها.. أخترع أي موضوع
ماتحتاج رقمها لا تخلي بالك يم الأتصال وسوالف الدردشة.. أخذلك خزعة منها و أزرعها بصدرك.. تأكد هي هاي الي تريدها؟؟
عندك شي تريد تنطياها؟؟ الحب مو أنو أريدها تحبني و أريد أفوز بمحبتها.. لا , معناه أنتو أنت عندك شي تنطياها.. تشوفها هي هاي الوعاء المناسب الي تضيفله قيمتك وإيمانك.

أكو مصاص طيب.. أخذلها وحدة من تداوم و خليها بأيدها/ لا تستحي صير وكح بمحبة
أكو ككو بألف مرتب (شوف شنو النوعية الي تحبها) و أنطياها من تشوفها وحدها
لا تنطيها الحاجتين سوة خليها كل اسبوع.. لا تحس أنو ذني حاجات مو ذات قيمة مادية و تحس بالفشلة.. بالعكس ذني معناهن ماينحسب هيج

بالنهاية الحب حادث سير يا صديقي.
ضفاف آمنة لقلبك يابحار..

[^_AHMED_^]

"في العجلة الندامة وفي التأني السلامة"
حاول تتأكد انو انت اصلاً ليش حبيتهة
وممكن يكون بينكم انسجام لو تنتهي بالطلاق
مثل اغلب العلاقات بعدين يلة تقدم على الزواج

[fairy touch]

صباح المجد يا بحّار..
تعال لنتفق أولاً على أن الحب عبارة عن منظومة لاسلكية/ أكو تردد (موجة) و أكو مستقبل (حاله حال الراديو أو التلفزيون)
تأكد جاي يطلع يمك الصوت واضح (صوتك أنت)؟؟/ من شكلت فيشة النظرة هذي طلعلك صوت بس.. صورة بس.. لو صوت وصورة؟؟
أخذ وقتك و تأكد من القناة.. أذا بيها مقدار تشوش ولو بسيط هذا ممكن يكون أي شي بس مو حب.
الأمر الآخر لاتدخل أي طرف بالنص لاصديقاتها و لا أصدقائك.. هذا وحيك و أنت النبي (صدوركم محد يقراها غيركم.. لاتشوهها بشي نشاز من برا)
تكول الصبية بقسمك.. بس ما أعرف إذا جنتوا سوة بنفس الدفعة و تشتركون بقاعة محاضرات وحدة؟؟
إذا أنتو بمراحل مختلفة.. حافظ على النظرات و بين فترة و أخرى ألسعها بنظرة وكاحة (لاتصير مؤدب زايد عن اللزوم) كن قليل أدب لكن بحب وخفة ساحر. رح تكلي هذا يطوّل و أني ما أصبر.. أكلك أحترك وصير لائق بهالرزق.. الحب مو ثبات ونبات مثل ما متصور و أنو رح تبتسم كطائر غرد.
تلوع.. أشتاق.. أسهر.. أبجي.. الحب يسحب روحك من صدرك وتكون ممنون منه.. مستعد لهالطف؟
إذا جنتو بدفعة وحدة و تتشاركون قاعة وحدة.. حاول تكعد وراها, خلي دخلتك متأخرة وخلي يحجزولك وراها بدون ماتنتبه هي و ينتبهن البنات.. خليها صدفة مُدبرة (بس مو كل يوم)، تابع تفاصيلها و أترس روحك بيها
تأكد هي هاي الي تريدها؟؟ أخذ وقتك
إذا تتشاركون بمختبر صير نفس كروبها.. صير وكح أخفي صدريتها و خليها تحتاج صدريتك
عيف الشعر الشعبي وسوالف المجروحين إذا رفضتك.. أرفض الرفض ببساطة وخليك مبتسم
لاتخاف أذا أشتاقيتلها أخذها من صاحباتها وحاجيها.. أخترع أي موضوع
ماتحتاج رقمها لا تخلي بالك يم الأتصال وسوالف الدردشة.. أخذلك خزعة منها و أزرعها بصدرك.. تأكد هي هاي الي تريدها؟؟
عندك شي تريد تنطياها؟؟ الحب مو أنو أريدها تحبني و أريد أفوز بمحبتها.. لا , معناه أنتو أنت عندك شي تنطياها.. تشوفها هي هاي الوعاء المناسب الي تضيفله قيمتك وإيمانك.

أكو مصاص طيب.. أخذلها وحدة من تداوم و خليها بأيدها/ لا تستحي صير وكح بمحبة
أكو ككو بألف مرتب (شوف شنو النوعية الي تحبها) و أنطياها من تشوفها وحدها
لا تنطيها الحاجتين سوة خليها كل اسبوع.. لا تحس أنو ذني حاجات مو ذات قيمة مادية و تحس بالفشلة.. بالعكس ذني معناهن ماينحسب هيج

بالنهاية الحب حادث سير يا صديقي.
ضفاف آمنة لقلبك يابحار..

حيييل ...رجعتنا لأيام الكلية ....و ذكرياتها ...
جميل ما كتبت .