وما يشتاگ بس العايش لوحده
لــ زيد الهاجري
وما يشتاگ بس العايش لوحده
لــ زيد الهاجري
انه عـندك مـوعـزيز
ودمـعــي مامـره چـواك
ياأعـز طـين اعـله عـيني شـغيــراك
ياهـوى عـيوني شـيشــمن لـومـشيــت
يلــ خـيالــك مامـشه بـگــدي وراك
،
لــ بــاهــر الجــنديــل
خابرني وٰتغازلنه
بسوالف مال خجلانين
وسمعني حچي وكزبرت راحة البال
مدري شسولفالي
إسويلفاته إحنان
عرفت مشتاگلي بس ماعرفته شگال
( عقيل العرد)
أحسنّـڪ وره کـل بـاب
بيـني وبـين کـلشي أنتــه..❜
يـ آنــه
يـ صـوتي
و صـاحبـي
و مـرايتي
و معـنــــاي ،
يـ المـا عـندي غيـرڪ نــاس.
#حيدر_النوري
رايحين……!
شعدنه نبچي
لوادم تذم الدموع المالحه
رايحين…..!
الدنيا
ضحكه
وسالفه وهم رايحه
خاف باجر…..!
مانمر ابابكم
ولانحن يوم ونشم ترابكم
احنه بعنه بيوتنه من البارحه.
گتلك عيونك ضحكتـي ..
ودنيتـي و خلخـال ظنـي ..
گتلك بگلبك محطاتـي والـك ينگـاد حزنـي
وإرسمتـلك دربـي سچـه وتيهتنـــــي
#لـ وجدآن النقيب
تاخرتو علي..
طولتو يمه... قلقتوني شنو الشغله المهمه ؟
مو مشكله احجولي اشكَـال ما كَـال ...اشم بثيابكم ريحة مذمه
صرت ماضي ونساني وما اهمه ؟ ....انتهى كلشي ويريد ابريله ذمه؟
آنه اتخوني ذاكرتي مرات ....رحمه إلولديكم هوه شسمه !
حسباله يجيني الخبر وانهار... سبع سنين اظل عايش الصدمه !
امشي اعلى البحر اكَـضيها صفنات ...احب ضي القمر وتحبني نجمه !
واشخبط عالرمل وابنيله تمثال ...وأظل ابجي وتجي الروجه وتهدمه
ويملون اهلي من الاطباء يتجهون بيه اعلى الأئمه ....
خطيه هواي يحلم رايح ابعيد... وفرق مابين حلمي وبين حلمه
حلم مره احلمت جني امشي وياه ابحلم زرت الحلم قصيت جدمه...
ناصبله مشانق حتى بالبال..... بس يخطف علي طاريه اعدمه
آني وثم آني وكان من كان ...اصبعين اعلى روحي مااقدمه
كَـــلكم عافني ويرجعلي هيهات.. جا شمتاني ميسويله همه.. .
انا البايكَـ ضواه خليه سنه ايغيب.. وترس ريتي هواه ما حاجه اشمه.. .
ألسواه
سوى غيره هواي عشاق.. ينتظروني أأشرلهم لعلمه
بس هو صدق ما كَـال مشتاق؟؟ لايشتاق مو فد؟ هيه قسمه!
شبيه اعيوني يمكن لاحهه اتراب.. ماباجي عسى ابهلحظه تعمه.. .
خابرته اشوكت ؟ بالغلط دقيت. .مرتين وطلع خارج الخدمه.. .
من يمهم فتت ؟ اي يعني وشصار... حضرته المنطقه امسجلها بسمه!؟
كَعدت ابابهم ؟ كَـلوله غلطان. وكَـع مني دمع دنـكَـت ألمه.. .
ولو طالع امسلم مااحاجيه.. بس ابقلبي اقول الله ايسلمه ....
تتوقعون اريد اتصالح وياه؟.. ابشرفكم تالي عمري اكسرلي كلمه ؟
اشايف روحه ..اتنازل واراضيه ...............
اذا راضيته اقلكم وين اعزمه؟
آنه الخوش زلمه ومااطخ راس ....
لكن بالعشق موخوش زلمه
ابچي ويه البچه وافرح وي اليفرح
وبالچلمه الجويده الدافيه تسلح
شح الوفه الناس تگول لاعمي الوفه ما شح
الثگيل شمايغرگه الخير يظل بمچانه ما يطفح ...
.
#مرتضى_حرب
غزانــــي الشوگ ي فلانـــه
آنـه بلياﭺ ﭼن وريده ذبلانــه
بيش أودعك "
للموادع
ماتطاوعني الجفوف .
.
.
