...عتاب الزمن .........
ليش الدنيا متطوَل اهواي واتدوم ويه الاحباب
عندي وياج يادنيا الغدر عتب وشطول العتاب
ليش اتقربينه إعلى البعض واتسوينه احباب
اذا انت طبعج غدر و لؤم وتفرقة الاصحاب
بالامس اسرقتي مني الابو رمز كل الاطياب
وبعدها فرقتي الحبيبه وصرنه مثل الاغراب
واجيتي اليوم إعلى الاخو متنكبه إعليه انكاب
بسج يادنيا موصرنه نشوف حت طيرج اغراب
وحت ذهبج والالماس صرنه انشوفه اتراب
اجبال جنه ومن ظيمج والقهر صرنه اهضاب
ماردنه الغنى ولارفاه بس ردنه نعيش بحظن الاحباب
افتركنه وبالغصب انكتب علينه انعيش العذاب
يودعني صحيبي اليوم ومن كلبي اسمع صوت النحاب
احصرت دمعاتي بوسط عيني لجن دمع الكلب سجاب
حظنته وجن حظنت الدنيا اشلون ياكلب راح اتحمل هالاغياب
ومن حظنته رجعت الدنيا وذكرت ايام الالعاب
ايام الطفوله ودرب المدرسه ومن جنه طلاب
ابسرعه مرت الايام وجن اليوم يودعني اوداع الاغتراب
صح يادنيا نلتي مرامج وكدرتي اتفرقين مابين الاصحاب
رد مع اقتباس
