درر العراق

ارجع يازمان · 14/January/2018

يتفرج الما يشتري!
اشعاري كلها ابدفتري

ومضات بيهن والصور
كاتبهن ابمي ناضري

بيهن مواويل اشكثر
يتحدثن عن حاضري

بيهن شعر جان الكمر
يوكف ابابه الخاطري

بيهن نشيد إمن الزغر
انريد حاكم جعفري!!

حَسبانه انرجع علي
وصحنه يكَعبه اتكَرري!!

ما أدري بالجبته الي
فَجرني وانه ابجادري!

بغداد حوبه ابدمعتج
ماندري يمته اتشَوِري!

انسرقت أموال الشعب
للحفره يالله اتحضري

انتخب موسى الهلوطن
تاليهه يطلع سامري!

جاب البنفسج من اجه
وحته البنفسج سرسري!
حته البنفسج سرسري!!
حسين االساعدي