هنا

[كبريائي قاهرهم]

حسب نظرة عيونك قررت اهواك ..
و قسم بعد للموت قلبي ميعوفك ..

فدوه اتوسلك من يمي لو مريت ..
بس انطيني نظره و يكفي معروفك ..

صرت اشتاك اشوفك من يجيني الليل ..
و اني اتذكر نظرتك و اكتب حروفك ..

تعرف من نظرتك قلبي صار وياك ..
لعد بيه شيصير من الزم جفوفك ..

صعب كولش صعب ع اليعشك النظرات ..
و اني اعشك نظرتك و احلم بشوفك ..

احبك ..؟؟ لا قليله الكلمه هاي وياك ..
اني لخاطر محبتك احضن سيوفك ..

ردت كل يوم اشوفك .. بطل الغيبات ..
و مثل جنطة سفر علكني بجتوفك ..

محبتك نهر عندي و صرت الك سباح ..
يا نهر العشك نيمني بجروفك ..

[Asho Aasha]

روعـــــــــــــه عـاشت أيدك

[كبريائي قاهرهم]

شكرا جزيلا
تواجدكِ الاروع
لا حرمنا ثنائكِ الجميل
ودي وعبير وردي

[أوهام]

روووعات

[ابو وئام]

روعـــــــــــــه عـاشت أيدك