هنا

[ارجع يازمان]

ايجوز ذباح!!!!
مايحس ابجرح غيره المو جريح
الما فكدله اعزاز ناسي المقبره

الدنيا وكحه وتحجي بلسان الصريح
وما يهمها الطاح فوك المعبره!

الما ركض بدروبه لتظن مستريح
ايجوز معذور وخطوته امعثره!

بيهم ابعثرة درب يمشي الصحيح
وبيهم اعوج لو تحطله المسطره!

بيهم اتاخر لجن زار الضريح
وبيهم اشما يركض ايرد ليوره!

وبيهم اتمنى الجنان ابهلمديح
وبيهم الجنه عليه لزمت سره..

لازم اتميز الصحيح من القبيح
ابعقلك المختبر تلكه الجوهره!

المواقف هيه تفرز بالشحيح
مو عله القال وقلت والثرثره..

بالك اتصدك عذر لمن تطيح
عود اجاك ومدري شنهي الأخرره!

اليحبك يوصل ابحين التصيح
عكس اليغلس ابعذر المادره!

لا تغرك دمعة اعيون الوكيح!
عالمزاج ادموعه دوم امحضره!

هو مو كل منذبح اسمه الذبيح
ايجوز ذباح إوكع بالمجزره!
ايجوز ذباح إوكع بالمجزره!
حسين االساعدي