هنا

[حسن هاشم]

ترة الساهر توالي الليل
لابد عايش بفرگة
ترة الفاگد ولف ياناس
بالخد دمعتة تحرگة
من يحجي بحجي العشاگ
لازم هالحجي نصدكة
طالع من گلب مجروح
يلچم كلبة و يحرگة
من يسحب نفس دخان
تطلع روحة بالشهگة
من تسال علية شمات
يهز براسة ويدنگة
يحط راسة ويريد ينام
يتمنى الحلم ملگة
ترة المات بسبب الفراگ
ترجع روحة بالشبگة
ترة العرس حبيبة وراح
يموت بسمعة الصفگة
ترة النام ابداية ليل
ماعايش ابد خنگة
ترة الدنيا بجفة المحبوب
خريف وانت چن ورگة
ترة الفاگد حبيبة بليل
يتيه غربة من شرگة
يضل يدور البيبان
وباب الولف ما دگة
خافن يطلع المحبوب
ودفتر رجعتة يشگة
قصيدة توالي الليل الشاعر سيد حسين الياسري

[رنـ♥ـدٍ]

حلوو
شكرا كتير

[حسن هاشم]

حلوو
شكرا كتير

شكرا للمرور الطيب