هنا

[ارجع يازمان]

كلش عزيزه الروح بس نفديها
الخاطر وطنه ارواحنه انضحيها
يبقه علمنه الغالي
فوك النجم ويلالي
نجماته حلوه وبالسمه انعليها
نجماته حلوه
وبالسمه انعليها
الخاطر وطنه ارواحنه انضحيها

_______

جيش وحشد كلمن يهد بسلاحه
بيهم وطنه اليوم زاد افراحه
جابوا نصرنه وذبحو الذباحه
داعش يولي وكسروله اجناحه
صولة علي ابملكاهم
والغيره كلها اوياهم
صاحوا الكاع ابطالها التحميها
الخاطر وطنه ارواحنه انضحيها

__________

تخسه الدواعش همه والجاباهم
عافاهم ابهل ورطه ما فاداهم
ابن العراق ابغيرته اتلكاهم
خله العيون اتصور ابقتلاهم
هاي الارض مبخوته
العاداها كَرب موته
فنه التحده ابيوم ويعاديها
الخاطر وطنه ارواحنه انضحيها
______

فخر العرب ابن العراق ابزوده
جاب النصر وبغيرته المشهوده
هذا الوطن مامونه تبقى احدوده
وترابه بركان ويطك باروده
حوبة وطنه اجبيره
تكسرالمابي غيره
نخبطها احنه ونطلع ابصافيها
الخاطر وطنه ارواحنه انضحيها
حسين االساعدي

[ahmed al_omairi]

يسلمووو

[ارجع يازمان]

يسلمووو

شكرا لمرورك الاجمل