ام الخير امك لا تزعلهه
وصباح العافية بكل ثانية كَلهه
ومثل ماتعبت وشالتك تسع شهور
بيريه اعله راسك كون شايلهه
الحنينه الربت وكبرت بس ياحيف
محد ينطي من روحه ويدللهه
شحلات اليمه الله يساعدك متعوب
من تكَلك وتفتح جدايلهه
بدون امك البيت يصير كَصبه بنار
يطفيهه الدمع والحسره تشعلهه
لهسه خدودها مطبوعه عل الكاروك
من هزته وكَامت بالتعب تعثر
لهسه عيونهه مشتاكَه ملكَه رموش
من كَد ماعليك من الصبح تسهر
امك نعمة من ترفس النعمه تموت
جازيهه مثل ماجازتك واكثر
كَلب الوالده ابيض من الجمار
وسوالفهه تسوه الهيل والعنبر
مرات يتأخر دمهه بالشريان
اذا كَاللهه ابنج اتأخر
الله يساعده الفاكَدله ام بالليل
من شتاكَـ وشوفتها يتوازه
الله يساعده الفاركَهه بالتابوت
وامه كَبال عينه انشالت جنازه
دربالك عله امك لاتمل فد يوم
ولك عازة الأم بهالوكت عازه
ماي الورد اطيب من شذى الشلال
بس يصير سم للفاركَـ أعزازه
الف هنياله اليجازي امه تالي الشيب
ويصير الهه من تحتاج عكازه
ولو لو جومت رجليها فوك الكَاع
ماضن ذره من رباهه يجازه
رد مع اقتباس
