السلام عليكم ورحمة الله وبركاته
متواضعه واتمنى ان تصل لذائقتكم العذبة
قالوا:: جفاك وقلت يجفى بكيفه
....... انــا اتلذّذ في المحبّه بجفــواه
قالوا:: ذبحك بطعنة الهجر سيفه
....... قلت اتركووه احيا بطعنات يمناه
ربيع عمـري عايشه فـي خريفه
....... وعن الشتا تدفى ضلوعي بطرياه
واخيل بـرق الغيم في عزّ صيفه
....... واسقي جذور الحب لاهلّ من ماه
املا نظر عينـي ليا حـل طيفه
....... واروي ظما القلب المعنى بذكراه
والله لو قلبـي تزايـد نـزيفه
....... لسقيه دم عروق قلبيويفـداه
عمرٍ مضى واللي بقى له حليفه
....... يرخص لجل عينه وفدوه لماطاه
القلب بيت الحب والزين ضيفه
....... باقصى معاليقي من سنين مركاه
يشب نـاره بالضلوع النحيفه
....... الشوق زنده والاحاسيس تحماه
عيون قلبي في العذارى كفيفه
....... والله ماشافت مع النـاس حلياه
زين البشر قد راح منه النصيفه
....... مع النبي يوسف وهـذي بقاياه
بدر السما لا شع نوره وصيفه
....... لا والله الا فـارق في مزايـاه
دلع وخلق وكل ميزه شريفه
....... من لامني جعل المنـايا توطاه
اللي خلق فيه الطبوع العفيفه
....... اطلب منه جعل المنايا تعداه
ياعاذلين القلب والله ماعيفه
....... هذا حياة الروح ولقلبي دواه
قالو جفاك وقلت خلوووووه كيفه
....... حلفت باللي زين الكون مانساه
وسلامت قلوبكم
رد مع اقتباس
المشاركة الأصلية كتبت بواسطة عـلي الناصر
