هنا

[ارجع يازمان]

مريم حسين وحسين الساعدي
اخر المساجلات براس السنه (((1-1- 2018)))
***
اجه العام الجديد وانته ماجيت
وتمنيتك تجينه اشكد تمنيت
تجي وتسئل عليه
وايدك بين اديه
وبضحكة ضواك اينور البيت
اجت راس السنه بس انته ماجيت"
مريم
:::::::::::::::::
اجيت البابكم بس ما لكيتك
خاف اتكول اجذب ما اجيتك
تلكه ادموع العتاب
هسه ابعتبت الباب
مانشفن بعد وباب بيتك
اجيتك البابكم بس ما لكيتك
االساعدي

::::::::::::::::::
شفت دمعات يمنه ابعتبت الباب
وصدك شميت بيهن عطر الاحباب
ليش ابسرعه وتروح!
ما تستنظر الروح
روحي الحبتك ومحضره العتاب!
اجت راس السنه واحبابي غياب
مريم
:::::::::::::::::
طاح ابابكم كلبي التمناك
لمن مالكيتك واحجي وياك
كلبي الطلع الصوت
ويمكم طلعت ابيوت
كالولي اخذ كلبك روح لهناك
طاح ابابكم كلبي التمناك
االساعدي
:::::::::::::::::::

بيش ادعي عليهم اهل البيوت
ما خلوني اشوفك واسمع الصوت !
هذوله اشلون جيران!
خلوا كلبي حزنان
ماخلوا حبيبي اكبالنه ايفوت!
بيش ادعي عليهم اهل البيوت'
مريم
::::::::::::::

اشكد خطابه ادز واهلج يرفضون
ولا فَرحوا كلبي اويه اليفرحون
اجيت وسدوا الباب
كالوا كل الاسباب
مريم مو الك لو تعمي العيون
اشكد خطابه ادز واهلج يرفضون!
االساعدي
:::::::::::::::::::

رفضوا خطبتك لكن وراها
روحي اتمرضت ضايع دواها!
اهلي الما يرحمون
رفضو نور العيون
عافوا عيني محتاجه الضواها!
روحي اتمرضت ضايع دواها!
مريم
:::::::::::::

مقهور واعاتب دمع العيون
ليش اللي نحبهم ما يصيرون
ليش القسمه متصير!
وحبيبي ايروح للغير!
وانه ابين شماتي اليضحكون!
مقهور واعاتب دمع العيون
االساعدي
::::::::::::::

كف امعاتبك راس السنه اليوم
يحسين انه اجيتك انسه الهموم
يمك تفرح الروح
تعال انطيب الجروح
ونفرح ياحبيبي ونترك اللوم
كف امعاتبك راس السنه اليوم
مريم
::
كل عام والجميع بخير وسلام

[† ذلفاء †]

روعه
تحياتي لك ولمريم دوماً مبدعه

[ارجع يازمان]

روعه
تحياتي لك ولمريم دوماً مبدعه

اجمل التحايا لحضورك الاجمل
دمتي بخير