عتب , نص شعبي مشترك
هسة تالي شلون .. لا هزك هواك
لا حجت باذنك سوالفنا ... شعجب ؟!
ولاذكرت مساهري ولا كل رباي
وتعبي وسنيني صفن نار بحطب
ناسي ؟ .. لو تتناسى ..؟ .. يل وجهك مزار
بيه اشد عيوني ... بخيوط التعب ..
انه حبيتك لان طــــــولك دلال
وخصر يتمايل اظن مثل الكصب
بدورة اشفافك تطيرها العقول
ومشيتك هيبة يبو سوالف طرب
اعصر .. بكيفك ... اذا قلبك نطاك
شيرتجي من الناس .. عنكود العنب ؟!
واشرب بكاس القساوة .. شما تريد
حتى من اعتب .. احبك .. بالعتب
ضاك صدري وكَلبي هاليوم اشتهاك
احجي فهمني ولك شنهو السبب
تدري من يوم الرحت بكليبي نار
وجادر امعزين بضلوعي انصب
تدري بغيابك جمر بجفوني .. نام
والسهر يغزل تصاويرك ... لهب
يارسايل نور .. مكتوبة .. بحنين
اقرا .. هاك الليل بعيوني شكتب
تلكه مكتوب انتظارك طــــوله ليل
يلي تسوه الدنيا واغلى من الذهب
qas!m & علي الشمري♪
رد مع اقتباس
المشاركة الأصلية كتبت بواسطة ملكة بإحساسي
اسعدتمونـا حقّاً
