اشتري ولتعاملين!-الشاعر حسين الساعدي
اشتري ولتعاملين!
***
كلشي عندي راح ابيعه
يلله كولي اشتشترين!
صفنة
الليله
الاخيره
ودفتر اشعاري الحزين!
بسطيت
اجروحي كلها
باحله نغمات الأنين,,
اشتري
ولتعاملين!!!
تشترين ادموع وكحه ايعاركن لوما تجين!
تشترين اوهام حلوه اجذب اعله العاشكين!
تشترين اشكد رسايل بيها عطر الياسمين!
تشترين اهواي اغاني
اوياها صرخة تايبين!
تشترين
احله الاماني
الجانت ابال السجين!
بسرعه
كولي
اشتشترين!!!
انه خسران ابحياتي
وبالرخص بعت الثمين!
راح ابيعن
ذكرياتي
والعن ابحضي اللعين,,
هيبة
اعكالي وعباتي
وحكمة العكل الرزين!
الطيبه
والملكَه وصفاتي
وسمعت الزين الأمين,
وشبكه
راسمها اويه ذاتي
عالمشوا ما أدري وين!
ضحكتي
وكل امنياتي
اتخَيري إولا تستحين!
راح ابيع!
احلامي كلها
وحته لهفات الحنين.
لان ماضلت حبيبه
التستحق باقي السنين!
يلله
كولي
بسرعه كولي
اشتشترين!
حسين االساعدي
رد مع اقتباس
المشاركة الأصلية كتبت بواسطة ذلفاء رافائيل
