بعد حمد الله والثناء عليه نبدأ موضوعنا هذا اليوم وهو سلسلة من المواضيع التي لابد أن نضعها لدى الآخرين
فالقلم أمانة والعلم أمانة وسيارة جيرانكم أمانة مهو اذا شاف الواحد نفسه فاضي راح يشخمط على جدران مدرس البنات وياليته يكتب صح إملائيا
الحب عذب < بيكتب عذاب أخونا المتيّم بوحدة لاشاف وجهها ولا كوعها مدري ذولا شلون يحبون لكن جاء الي هو ألعن الحب المسنجري يعني يمكن تحب ولد عمك تحسبه بنت المهم انه يسوّي لك كذاويقول مممممم , ويعطيلك
والا يجي يرسم لك قلب حب ويدخل فيه سهم ثم نقيطات دم ويحط لك سهم على نقط الدم ويقول دمّي
الموضوع خلاصته خطبة عيدي للفتيات وذلك بعد أن رآيت شيء والله إن سقف البيت كاد أن يطيح علي , بأحد المنتديات والكلام كان يدور حول مقاس جزم الفتيات وكانت وحده تصف للثانية نوع معيّن من الجزم وقالت اكبر مقاس عندهم 37 ثم ردّت الأخرى وقالت مقاسي 40 فباشرتها صاحبتنا وقالت , وااااااااااااااااااااااو روعة رجلك وحجم رجلك أنثوي
بالله ياجماعة الخير , بالله هل مقاس 40 مقاس أنثوي ؟بالله يامسلمين يامن تبحثون عن وطني عربي واحد من اليمن حتى الشام والا اقول خلاص خلوه من زاخو حتى الفاوي
اسألكم بالله ليش كذا ليش التدليس ليش الخداع ليش وليش
ياناس خافوا الله , الله لايغضب علينا يطيح علينا شهاب يودينا في ستمية داهية , البنت ماتحب البنت والبنت لايمكن تود للبنت الخير والبنت وان قالت قدام وجهك ياملحك وانك جميلة تراها تنصب , بس تروحين تحش فيك بأقرب وحده.
بالله فسروا لي لما بنت تقول لبنت شافتها بحفله وااااااااااااو محلوّة حبيبتي اليوم مواح مواح مواح لا وعطرك روووعة , محلوة اليوم يعني أمس وشو ويعه يارب تويع عدوينكم , البنت اذا اقبلت عليها بنت وشافت مثلاً إسوارة أو تعليقة أو خلخال , تقعد تمدّح فيه وبالتالي هي تنتظر نفس المديح من الأخرى ثم بمغادرة الأخرى تبدئان معاً وبلحظة واحدة كل وحده تحش بالثانية
خلود تتكلم مع نورة , نونو نونو حبيبتي تصدقّي إن ذالمعفنة والطقم الي لابسته تراني أشك إنه صفر..
اصلاً ياااي مرررة ستايله قديم وبعدين فصوصه لونها كذا جنائزي,عمرك شفتي لون فصوص قرمزي , لالالا ياي
الله لايبلانا بس
وإذا سألت نورة خلود طيّب ليش تمدحينها بحضورها , تقول ايه ترا الكلمة الحلوة صدقة, ماعلينا شوفي فلانه شوفيها الي ترقص هذيك , وعع شوفي جسمها
وع مدري كيف رجالها يتقبل يشوف شكلها < وفلانه الي يتكلمون عنها جسمها يسوى ستمية بنت , لكن اصطغروالله من الغيرة.
لا واذا البنت شافت في الحفلة بنت أشيك منها قالت يوووووه لايهمكم تراها من طبقة متوسطة مهي مثلنا , بس لها سنتين تجمع بالقاصة علشان هالحفلة
ناس والله همهم المظاهر
الحركة الي البنات يعملونها اذا جات وحده جديدة تحتك فيهم وبالتالي هي اجمل من رئيسة المجموعة تبدأ تتمايع معها بالكلام وتقابلها ببرود وبين كلمة والثانية ايواا حبيبتي وعسا مايرن الجوال الا تقول لحززززة بس حبيبي , لحزززة زوجي , لحزززة السواق الخاص فيني , وشوي تبدأ تتكلم إنجليزي مع البنت الضيفه في عملية للبحث عن اي مخرج ان هالبنت من طبقة مو من مستوانا , المشكلة اذا تكلمت وردت عليها انجليزي والمشكلة الأكبر لو طلعت تعرف فرنسي بعد
ولو خلاص البنت تنطبق عليها المقاييس تبدأ بتعييبها لو كانت بيضاء قالت حسااافة لو برونز , ولو برونز لونها قالت ياي ماتعرف تبيّض نفسها
يعني العن ام الحالة الحمد لله الي خلقني رجل
وعلى المستوى الدرري الوحده تروح تفتقد الوحده في أفتقدهم وبنفس الوقت بالمسنجر مع وحده ثانية تقصب ابو رقبتها , وتحش فيها , ولو افترضنا انها اديبة مثلاً بتقول اصلا كلماتها وع , والله اني ارد اجاملها ولا ابي اكسر خاطرها
والا بالله ذا كلام الي تكتبه , يارب بس
والا تروح فلانه ترد على صديقه لها بالدرر ثم ذي تحكي تفاصيل عن حياة الأخرى واني يوم قابلتك بمكان ما بوقت ما وكانت معاك ذيك الشنطة يااي من وين مشتريتها , والا عيالك ياربييييه يجننون بقوة تصدقين بنتك الصغيرة ودي آكلها وهي على قيد الحياة بس أخاف حقوق الإنسان يعلنون عن المطالبة برآسي
وبنفس الوقت بالمسن , تتكلم مع صديقة مشتركة , وع لو تشوفي شنطتها وربي من سوق الجمعة تقليد ام الف دينار , صحيح انه مكتوب عليها ماركة بس انا اعرف المقلّد
والا ياربي من بنتها , شقيّة وبكّاية ووجهها وصخ تقولين مايعرفوا يغسلونها
والا خشمها يع يع يع , الله لايبلانا
ثم تنهي الحش وتعطي صاحبتها رابط احاديث نبوية وتستأذن تقول بروح أكلم سديقي
كله كوم والكوم الثاني اذا ليلى سألت يسرى عن طقم الألماس الي لبسته في الحفله هذيك , طبعاً ليلى تسأل يسرى عشان تروح تجيب أحسن منّه , ثم إذا بدأت بالتفاصيل حقت الطقم من وين وبكم وايش الي يميزه , كتبت رسالة "فلانه مهايطية كبيرة " وأرسلتها رسالة جماعية لكل القروب .
هههههههههههه المصيبة اذا جات وحده بالدوام تتكلم ان هي وزوجها تعشوا في المطعم الفلاني , وتبدأ بذكر التفاصيل والأحداث وإنتهاءً بقيمة الفاتورة , وبمجرد رحيلها , تنطق حداهن وتقول وووووووووه وربي حدّها فلافل وعمبه
أقول قولي هذا واستغفروالله العلي العظيم لي ولكم وأسأل الله لكم السداد والرعاية الصحية الجيدة وعدم تصديق صداقة مرأة لمرأة وحب مرأة لمرأة , المرأة لو بيدها قتلت كل المرآات بالعالم << جمع مرأة ولكن الله يعين بس
رد مع اقتباس
المشاركة الأصلية كتبت بواسطة مزاج
