السلام عليكم ورحمة الله وبركاته
ان شاءالله الجميع من الشباب اخواني والصبايا خواتي
والرجال اساتذتي والنساء سيداتي بخير وصحة وسلامة
طبعا ارجو المعذرة اذا ضوجتلي شخص
اثناء فترة تواجدي بالمنتدى او بدر مني شي لان يمكن هذا اخر موضوع الي
بالمنتدى
اللي اعتبرته بيت الي و اعتبرت اعضاءه
اكثر من اهل اعتبرتكم اخواني و اخواتي
بس لكل شخص قدرات تحمل
من يوصل للحد الاعلى من هاي قدراته
بعد ميتحمل اللي يصير وياه
ومع الاسف صارت وياي حالة
ما اعرف اني الوحيد بالمنتدى صارت عندي
بس اني متأكد الكل صارت وياهم
بس ليش ساكتين لحد الان
من المدير و النواب والمراقبين والمشرفين القدامى ومشرفين الاقسام و الاعضاء
يعني معقولة اني اول واحد راح يحجيها ويكولها
ما اصدك اللي صار وياي
اكيد كلكم تردون تعرفون شنو اللي خلاني انزل هالموضوع
وليش هيجي دا احجي وياكم
بس لان ما اتحمل بعد يعني مو معقولة ابقى ساكت
لازم واحد يحجي اللي بقلبه
و مو لازم اسكت اكثر عن قصة حب صارت وياي وشنو راح يصير بعد ما احجي الله اعلم !؟
واكيد كولكم مريتو بقصة حب اني متأكد من هالشي
بس ليش ساكتين ما اعرف يعني ليش ما كولتو احنه نحب ........... ؟؟
المهم راح اكولها وما اعتقد الحب عيب لو حرام
واللي يكولي الحب شي مو موجود راح اكوله انت غلطان
بعدين راح تعرفون شلون هو غلطان وشلون راح تأيدوني
المهم خلوني احجي عن قصة حبي اللي صارت وياي
وخلتني ليل ونهار افكر .. افكر .. افكر .. وبالي مشغول
واخيرا لكيت احسن حل هو اعترف بحبي امام الجميع
وبدون مجاملة رجاءا اللي يشوفني غلطان خلي يكولي انت غلطان مراح اضوج صدكوني
بالعكس افرح من اشوف ارائكم
بس اهم شي اي شخص لا يجاملني ..
طبعا طولت عليكم و اعتقد ضجتو تردون تعرفون شنو السالفة
بس شسوي مو بيدي من الحب اللي شايلة بقلبي لازم احجيلكم كولشي
يعني من اشوفة قلبي يدك بسرعة بس اريد اشوفه وافرح من اباوع عليه
بس شسويله يوم بعد يوم يزداد حبي اله وما اكدر اعوفه
بس اليوم راح انزل هذا الموضوع واروح بعد لان تعبني هواي
اتصور الصورة صارت واضحة عدكم وهسه لازم اكولكم هو منو ؟؟
اني احب
.
.
.
.
أحــب
.
.
.
والله العظيم حقيقة احبه
.
.
.
أحب
منتدى درر العراق
حبيته بجنون واكيد انتو حبيتو مثل ما حبيته ولحد يكولي هو ميحبه ترة يطلع غلطان مثل ما كوتلكم قبل
اللي ميحب راح يكون غلطان لان بصراحة كولشي بالمنتدى محبوب من اقسامة لأعضاءة لمواضيعة
بكل زاوية بالمنتدى يوجد شي مفيد النه ونحبه وان شاءالله يببقى الدرر هو واعضاءة مميزين
وبالقمة من جميع النواحي
آمين يا رب
وبالنسبة لفقرة راح اروح بعد و هذا اخر موضوع انزلة فهذا صحيح
لان راح اروح اناموبهذا يكون اخر موضوع الي اليوم
والتقيكم على الحب والاخوة باجر انشاءالله
وتصبحون على خير
واحلام سعيدة وكوابيس بعيدة
مو كيفتو عبالكم رايح باقي على قلوبكم ههههه
رد مع اقتباس
المشاركة الأصلية كتبت بواسطة روعة الماس
