هنا

[اميرالفتلاوي]

شعر حب 2018 , شعرحب وشوق 2018 شعر رومانسي جداً - مارخصت روحي اليحب يتحمل 2018
مارخصت روحي اليحب يتحمل - الشاعر حسين الحبتري 2018
______________________________
مارخصت روحي اليحب يتحمل
مارخصت روحي اليحب يتحمل
من كتلك الدنيه التضيك من تزعل
ومعزتك مو جديده تمر واكل للناس
كبل لاجنت اعرفك ذاك المدلل
واضحك لليشبهك واصفن اشكد بيه
حتى البي شبه منك ولاينمل
صارت والتقينا وصرت الك محبوب
بس جنت بوكته من الهوه تخجل
مو هسه ع بالك سير شجم طيف
وضحكتك مو نفسها وكلبك تبدل
مو هيج اليروح افهمني هاي كلوب
تره ينيشن مكانه البدوي من يرحل
واعرفك مو نهر والهذا خاف عليك
بس النهر يمشي مغمض ويندل
جنت توقع انسى عيونك من تغيب
العلك ينشد بشده وخير من ينفل
كتلك مو شرط كلبك يحركه الراح
يحرك كلبك اليمك ومايسأل
تثكل ساعته ال علموعد يتانيك
ويحس ميلها شما طولت ينشل
شمدريني العيون شما حلت تنباك
چاضميتك بنص كلبي من اول
غلطتي اتخيلك بمرايتي من اشتاك
واسمع صدك صوتك مادري تخيل
ويصعد شوكك وتمطر تعب بالروح
واغمض والكه عشكك لحضه ماطول
وحتى جروحك محلياتني ومرتاح
جرح العاشك البي حلوه مايذبل
ودم بي كره مايمشي باي شريان
ويثكل بالسمه الجنحانه تتبلل
ومو وجهك جنت ماينكره مكفاك
واليراد الفركتك كلب يتحمل
كل ليله تمر صدكني اشبه ذاك
كاعد بالسجن وبربه يتوسل
وماخليتني افرح بيك واتغزل
حسبالي انسه وجهك ماكو منها اسهل
لكيت الكلشي حل بس روح
و اليعوض ضحكتك مالكيتلها حل

للشاعر حسين الحبتري 2018
_________________________
_________________
تحياتي للجميع

[ღ عِشق ღ]

حلو


شكرا اخي

[† ذلفاء †]

جميل
سلمت ذائقتك

[اميرالفتلاوي]

حلو


شكرا اخي

تواجدج احلى

والشكر لكِ ايضاَ

جميل
سلمت ذائقتك

بجمال روحج الطيبة

سلمتي

[مرتضى علي]

الله .. قصيدة بإحساس عااالي

شكرا أمير .. و يا رب تكون بخير