هنا

[ارجع يازمان]

اهواي الج شمات والله اليعينج
ياروحي وكت الليل نَصي ابونينج!
االساعدي

[ارجع يازمان]

اهواي اليطلبن صداقه
والكلب يسئلني عنهن؟

الخاطرج تمشي العلاقه
جي أظنج
وحده منهن؟

عليج
الله
انتي بلله
ياهي منهن؟
االساعدي

[ارجع يازمان]

امك اعدال الروح مو بس حبيبك
بالك لاجل نسوان تنكر حليبك!!
االساعدي

[ارجع يازمان]

اذا متصير ذيب اتبلعك الناس
لان هذا الوكت بس لذيابه

ضم الطيبه هسه وذاك الاحساس
للي يفتهم معنى الصحابه!
االساعدي

[ارجع يازمان]

شوفتَك بيها العوافي
وانه ملاني الطبيب!
فدوه بلكي اتمر عليه
حتى اشوفنك واطيب
حسين االساعدي


صدك والغيري تنزفين!!
حسين الساعدي
!
؛؛؛؛؛؛؛؛؛؛؛؛؛؛؛؛؛؛؛؛؛
صدك ولغيري تنزفين
وأنه القهر سابيني

وصدك بالحنه تتحنين
مو من دم شراييني!

انتي ابكحله تتكحلين
وأنه الدمعتي ابعيني

عاد الليله لتضحكين
بالضحكه التاذيني!

ضمي ضحكتج بعدين
لمن ما تضيعيني !

وعاد ابنظره لتبخلين
ابنظرة حزن واسيني

انتي ابين المهنيين
وأنه انختمن اسنيني

جنه اثنين متصافين
إشفَرَق بينج إوبيني!

أصيحلج يضي العين
وانتي الحُب تسميني!

وبأاشواك المحبيين
ألاكيج إوتلاكيني!!

لكن للأسف تمشين
والوحدي و تخليني!

اكبال اعيوني تبتسمين
ولا جنج تشوفيني

غركان ابدموع العين
ما اجيتي وتطلعيني!

ما جنه هوينه اسنين
اوجنج ما تحبيني!

وروحي ابزفتج تدرين
عافت كل عناويني

هلبت بيها تندلين
وبروحي وتلاكيني!

ماشفتيها راحت وين؟
بالله ابروحي دليني
فدوه ابروحي دليني
ااالساعدي

[ارجع يازمان]

لا تكسر المكسور ويه اليعاديه
لوما تصير اوياه بالك تاذيه!
االساعدي

[ارجع يازمان]

ورقه وقلم كضيت رت امسح اسمك!
انوبه مدري اشلون ضليت ارسمك!
االساعدي

[ارجع يازمان]

عين التعوف اهواي جا شلي بيها
اعرضها للايجار واكتب عليها؟
االساعدي

[ارجع يازمان]

حبلت الدنيا اسنين مابيها كومه
جابت انغوله اهواي كلهم حكومه!
حسين االساعدي

[ارجع يازمان]

تعال العب
تعال العب
ويانه الكمر سهران
ننام ابضيه من نتعب
تعال العب
االساعدي