نوم المخده ايلوك للباله مرتاح--مو مثلي ضاع النوم من الظعن راح!--االساعدي
نوم المخده ايلوك للباله مرتاح--مو مثلي ضاع النوم من الظعن راح!--االساعدي
مسؤول المجموعة الدنيا بالمكلوب شوف الدولايب--النعجه كام انوب تركض وره الذيب!-االساعدي
رايدين السالفه البيها الحقيقه
اعترفلك
واعترفلي
وكلمن ايروح ابطريقه
لا تطول بالحجي وعوف الكلام
خل نسولف بلعيون ابهل دقيقه!
االساعدي
كل القوافي ابخدمتك
لعيونك ايلوك الشعر
حاير شوصف ضحكتك
نجمه وتغازل للكمر!
االساعدي
حته الكتله تاني_ مايتاني
يافيض ابدمعتي_ ماي اتاني
ولك لحك عليه مايت اني
وباخر نفس ويه المنيه!
االساعدي
ايد أرد اعض اعليك مو بس اصبعي
جايبلي شامت ليش راويته دمعي!
االساعدي
-
انه اجيتك والشرار ابهل طريق
وانته صارت عينك ابنص عيني
ما اجيت ابدمعتك تطفي الحريق
وجبت شامت بينك اوما بيني!
ياحسافه وما وفيت اويه الصديق
وانته جنت ابهل وفه اتوصيني!
ما اسامح والجرح كلش عميق
ولان منك! كلش امأذيني!
االساعدي
-
ضيعت العمر بس بالحسافات!
وبعض الندم كطعت اديه_
انه العايف ادروب السلامات
لكن معتني ابدرب المنيه_
ما اريد ابقه بانفاس الحرامات
ما تحمل زعل روحي الابيه_
يذبحني ويراويني ابتسامات!
ذاك البصدك محسوب اليه!
االساعدي
-
غربلت اشكثر ويه التواسيل
أكلهم جلبوا زين ابهل قضيه
انه الجذبت كل الغرابيل
لمن طاحو اكبالي سويه!
ياوسفه انتخيت ابهل تماثيل
وباول حجر طاحو عليه!
مثل اليغرك ابدم المجاتيل
انه الصوبت روحي بديه!
االساعدي
-
كون الموت ماخذني وتعداك
والفاكد ابو دمعه ابكلامه
عايف بيتنه وحارمني ملكاك
شلك بالكبر جيب السلامه
عمري 13 يابويه وأنخاك
نخوة جاهل وداخ ابمرامه
المدلل جنت يابويه وياك
هسه الشته وخلص بالبجامه!
لوما أشتغل وامشي اعله ممشاك
نبقه ابلا عشه وصعبه الملامه!
يابويه انكسر ظهري ابلياك
وانه الحاير ابذوله اليتامه!
االساعدي