هنا

[ارجع يازمان]

ليش روحتكم ابساع!
وكلشي ضاع
يعني معقوله نسيتوا
حتى كلمات الوداع!
االساعدي

[ارجع يازمان]

ليش
!!!!!
ليش ماضلت محنه وليش الاحساس انقرض!
يسرع اويه الموت بينه وجابها ابطول وعرض

كتله صعبه
كال مالي كل غرض!

كتله خفف
كالي السرعه فرض

كتله ارفض
كال ممنوع الرفض

كتله نازل
كال متشوف الارض!

كتله اقصد نزل دمعي!
كالي ايطبك مرض!
حسين االساعدي

[ارجع يازمان]

وين اشوفك يل خذت روحي وراك
ارجع ولحك عليه
وخلني اتنفس هواك!
االساعدي

[ارجع يازمان]

تدري اشكثر خرسان تحجي ابعذابي
والمات ابوه اليوم داخ ابمصابي!
الساعدي

[ارجع يازمان]

فرفح دليلي اعليك مثل ام ولد راح--وتشوفه ذاك الصوب ويصيده ذباح!-
االساعدي

[ارجع يازمان]

مابيه اكلك زين
لوما تجيني
لوما تشوفك يوم
دمعه اويه عيني!
االساعدي

[ارجع يازمان]

امي ابهذاك العوز خبزه ابدينه
شبعت حتى الجوع لمن يجينه!
االساعدي

[ارجع يازمان]

انه بالغالي اشتريتك
وانته بايعني ابرخيص!
راح اذبك
من حياتي
مثل ما اذب القميص
االساعدي

[ارجع يازمان]

-
ايام المظن وياك ماين
وانته وهاكثر وياي ماين!
الطاح ابهواك اشعجب ماين!
مثلي ويبتلي ابنفس القضيه!!
االساعدي

[ارجع يازمان]

وين رايح!
وانته هستوك اجيت
بعد مانشفت دمعتي البارحه ابطولك بجيت!

وين رايح!
وانه بيك اتعوديت
مو كلتلي ما اعوفك جنك ابساع ونسيت!

وين رايح!
لو صدك تمشي ومشيت
هاك اخذ روحي التريدك ورطه بيها اتورطيت!
االساعدي