هنا

[ارجع يازمان]

الله ايذكره بالخير
حبيبي الجنت احبه

الهسه وباقي بالعين
ولا اكدر أذبه!

صارت قسمته الغيري وجفاني
واعرف ما يجي وضليت اتاني

اعاتب بالتصاوير
وعيوني اعله دربه

الله ايذكره بالخير
هذاك الجنت احبه
االساعدي

[ارجع يازمان]

بيهم اشيوخ ابيوم تكضي الطلابه
وبيهم تكول امنين هذا الله جابه!
االساعدي

[ارجع يازمان]

ما دريت اشلون اجيتك
وانه حسبالي نسيتك

مدري شنهي الصار بيه
وشفت روحي اباب بيتك
ما دررررررريت
االساعدي

[ارجع يازمان]

سلملي عليك ابداعت امك
ترى مشتاقلك واتمنى اظمك

جرح
مابين الجروح
تتمرجح
على الروح

واكول ابطيحتك الله اليسلمك
سلملي عليك ابداعت امك
االساعدي

[ارجع يازمان]

الحياة اويانه وحده
لكن اتشوف العجايب

انته ضليت ابشبابك
وانه اليسموني شايب!
االساعدي

[ارجع يازمان]

شو بس تذب ادموع ساعات الوداع!
حسبالي كلك غاد توكع عله الكاع!
االساعدي

[ارجع يازمان]

ناري ابوسط شمات ياهو اليطفي؟
ازغرهم اعله النار كاعد يهفي؟
االساعدي

[ارجع يازمان]

لو شلتك امن العين راح انعمي ابساع
انته الضوه ابدنياي ومنور الكاع
االساعدي

[ارجع يازمان]

شنهي صَبرنه وقنعنه وكلمن ابحاله ويروح!
اشلون فضينه الشراكه وهسه ياهو ابلايا روح
اشلون عرفيت الجروح اجروحك
خذت من روحي وتحط ابروحك!
احنه روحين انجمعنه اشلون قَسمت الجروح!
االساعدي

[ارجع يازمان]

مثل ام طفل لو ضاع ما تكدر اتهيد
هيج انه خوفي اعليك من تمشي لبعيد!
االساعدي