چلبك ابد ميخون لو جوعيته
وابنادم ايعض بيك لو شبعيته!
حشى الناس الطيبين
چلبك ابد ميخون لو جوعيته
وابنادم ايعض بيك لو شبعيته!
حشى الناس الطيبين
داعش والحكومه اشتركوا ابموتك
وبصوتك صحت ما هموا الصوتك!
شفتك بالحلم دمعة عتاب اوياك!
يابويه ابتسم لا تزعل امروتك
داعش والحكومه اشتركوا ابموتك
االساعدي
لعنة الله على داعش وعلى الحكومه والرحمه للشهداء
تاج العافيه ومقتنعه العيون
أفضل من ثمر كل البساتين
والطماع ميهمه اشيكولون!
ما يقتنع لو كض الملايين
وأنه اشرحلك ولو تعرف اشلون
بشوية تراب وتمتلي العين
الفقير اويه الغني باجر يروحون
أول تالي كلنه انصير ميتين
لكن والحساب ايفرزن اللون!
كلمن يستحق ماسوه بعدين
والباك الايتام اهناك مديون
ويعرف بلمصير ايصير لاوين!
جم واحد ابواحد هسه مدفون
ويتمنه ويرد للدنيا بالزين
ويتمنه ابحياته جان مجنون
لو ما حاسبو. يمه المجانين
......
الشاعر حسين الساعدي
المشاركة الأصلية كتبت بواسطة العراب
شكرا لمشاركتك الروعه
كون كلها اتصير سيد مقتدى
جا وطنه ايصير جنه ابهل أرض
قائد الاصلاح صكار العده
حامي كل اديارنه ابطول وعرض
هذا ويه الفقره روحه امدده
ما ينام ابخضره مهتوكه العرض!
ما يجامل دومه ضد اهل الرِده
هذا ابن المارضه الذله ورفض
لا تلمون الورد يهوه النده
ياعشك سيدنه من الله انفرض
انتوا التحبونه لاجل الفائده!
سانديتوا افلان لعيون الغرض!
لكن احنه ابكلشي راح انقلده
كون مو للاخره ايطبنه المرض
الما يحب السيد ابكلبه المرض
حسين االساعدي
باقي بس ابذكرياتك
عايش ابروح الغريب
والتمنيته ابحياتك
ما صفه وراح الحبيب
خالفت كل امنياتك
كلمة القسمه ونصيب!
االساعدي
ياهو اليقربلي المسافه الطويله
انه الكسير المادريتوا ابعذابه
الشمس غابت بالثواني الثجيله
والدرب ما كاطعته غير الذيابه!
حسين االساعدي
بس انه وانته والكمر
حتى الكمر منريده!
انته التضوي بالسهر
خلها المسافه ابعيده
مايتعب
ابطول الدرب
يتمشه
وياك الكلب
وانته التكضه ابأيده
خلها المسافه ابعيده
االساعدي
انه العندي اجمل منك ابهاي
جانت عندي وحده اتعادل اهواي
روح اقرء القصائد وافهم الراي
شيكول الشعر يحجيلك الناي!
يمناطر اهلال العيدك الجاي
انه العيد يمي ابهايه دنياي
انته ابهل عطش تستنظر الماي
وانه البحر كله ايسولف اوياي
ياكلب الاحبها اهوايه وفاي
ما باعاني يوم اتعنه شراي
لكن بالنصيب الخالف الراي
فاركنه وبعد ما اشوفن اهواي!
كمت اتحسر انه الشوفة اهواي!
االساعدي
االساعدي
من اتروح!
أحس حتى الهوه مذبوح!
تعال اتنفس انفاسك
بلكي الله وابطل النوح!
تعال انعشها بحساسك
ترى ماضل نفس بالروح!
تعال اتلاحك ابسرعه
وسكت شامتي المفضوح
لكاني ابطيحت الدمعه
وعرفني ابغيبتك مجروح!
من اتروح
من اتروح
ممنوع الفرح وياي
وضل بس الحزن مسموح
من اتروح!
