هنا

[ارجع يازمان]

صحيح انته ابعدت عني
وبعد متمر تعاتبني!

وصار اهواي مو وياي
عود اتكلي متحبني!

لكن انه اتحداك
اذا من عينك اتذبني!

ما عايفني من ابعيد
أحسَنك تراقبني!
​االساعدي

[ارجع يازمان]

احنه نور اعيونه ابنور الامام
ومن عشكهم احنه حبينه العشك

احنه لو نتغازل ابطاري الغرام
هاي ثمره وجانت ابذاك العثك

والافراح انعوفها ابعاشر حرام
نلتهي ابدمعاتنه الترشك رشك!
االساعدي

[ارجع يازمان]

والنعم منك تحب طبع الجبال
ما توافق تنحني ابيوم المحن

تقتدي ابعباسنه ابيوم النزال
وللغريب اتصير شلال اوطن

انه اجاوب لو تسائلني السؤال
امنين هذا ابداعي وبهذا الزمن!

منك اتعلم شعر والارتجال
والقوافي ابحضرتك هنه اليجن
االساعدي

[ارجع يازمان]

يتمشى الفرح وياك
أفرح من اشوفنك

اعوف الدنيا واتعناك
اريد ابروحي أضمنك

لو كل الحجي ابطروك
احب السولفوا عنك

اتمنى اصرخ ابملكاك
ولك يفلان أحبنك
اصيح ابصوت احبنك!
االساعدي

[ارجع يازمان]

الماله تجوه ايعيش كل عمره محتار
يكضيها بين الناس ميخالف وصار!
االساعدي

[ارجع يازمان]

ياطعنتي البظهر
ما تطلع امن الاخو!!

يدريني بي افتخر
شيكول اكله حلو

يمكن الخنجر غلط
حسباله انه العدو!
حسين االساعدي

[ارجع يازمان]

اتعدى الاربعين وبين الشيب!
خلص عمري واتاني وما اجوني!

بقت بس الظنون اتودي وجيب!
هلبت تنسى ذولاك النسوني!!
االساعدي

[ارجع يازمان]

اعيونه موش اعيون حسبالي قناص
ياهو التشخص بي واوضاعه تلاص!
االساعدي

[ارجع يازمان]

تتكلب ابزودك لمن اتفوت
فارض هيبتك وانته ابشبابك

الشارع اتكهرب جنك الموت
وانه الماخفت ضليت اهابك!

اسئلنك سؤال ابصوتي بسكوت
وانته ابراحتك رد ابجوابك!

ليش العاينك وَدوله تابوت
يمكن انته بلوه والله جابك!
االساعدي

[ارجع يازمان]

​ياعيني البقيتي الهسه تربين
ميرجعون الج صدكيني ياعين
نسوج وما نسيتي
دشوفي اشكد بجيتي!
من يوم الجفوا ولهسه تبجين
ميرجعون الج صدكيني ياعين
االساعدي