بحر الشعر غدار يوم التجافي-- لازم اتفوج اوياك كل القوافي!--االساعدي
بحر الشعر غدار يوم التجافي-- لازم اتفوج اوياك كل القوافي!--االساعدي
اشكد غريب!
ابنادم اليرجه السلامه
ايودي بالموت ويجيب!
اشكد عجيب
راسم ابوجهه الحمامه
وبالكلب ظماله ذيب!
اتوجه عالمكسور خبروا الرماني
واكف واشيل الطاح ماطايح اني!
االساعدي
مدري اشلون اداوي اجروح
وانه اللجمه بجروحي!
متعوده عليك الروح
وانته الفاركت روحي!
الساعدي
هزيته وهتزيت واهتزت امتون
من طاحو الظنيت ماظن يطيحون!
حسين االساعدي
غلس عله الطعنات من التعزهم
خافنهم ايطيحون يوم التهزهم!
--االساعدي
هسه الملح مغشوش مستوردينه
ميعثر امن الصين صاير يجينه!
االساعدي
خليته ذاك اليوم متعجب اهواي
دَكتك حتى الذيب ما دكها وياي!
االساعدي
الما يودع اعزاز مابين الكبور-اعيونه ما تكدر تواسي الدمعتك!--االساعدي
احنه طلكنه الفرح يوم الشباب
ابهاي ادينه ودفناهم بالكبر!
حته من انزورهم عفنه االعتاب
الكبر مابي باب ويجيب العذر!!
ماتلكونه ابهلا ابذاك التراب!
واحنه تعبانيين بالجيه اشكثر!
مدري ليش ارواحنه اتحب المصاب!
يمهم اتودينه وتوفي النذر!
اشكد نشدناهم ولا منهم جواب!
وهمه عود اعزازنه البيهم نمر!
االساعدي